―умумий ва хусусий физиотерапия асослари‖

Индуктотермия
Бу юқори частотали магнит майдони билан даволашдир. Индукта – 
тўплаш, термо – иссиқлик,яъни иссиқликни тўплаш маъносини билдиради. 
Аппаратга уланган юқори вольтли кабель ўрамлари атрофида юзага 
келадиган магнит майдони бемор 
танасида индукцион токлар – Фуко 
токлари пайдо бўлишига олиб 
келади. Бу токларнинг ҳосил 
бўлиши тўқималарнинг қизишига 
олиб келади, яъни иссиқлик 
таъсирига, 
шу 
билан 
бирга 
осциллятор таъсир ҳам кўрсатади. 
Иссиқлик асосан электрни яхши 
ўтказувчи тўқималарда, яъни қон, лимфа, паренхематоз органлар тўқимаси, 
мушакларда ҳосил бўлади. Иссиқлик тўқима ичкарисида (8-12 см) ҳосил 
бўлади, тери ва тери ости клетчаткасида камроқ. Индуктотермия ўрта 
ҳисобда маҳаллий ҳароратни 3-4 градусга оширади, камида эса 1-1,5 
градусга. Ҳароратнинг кўтарилиши тўқималардаги қон томирларни (артерия, 
вена ва капилляр) кенгайтиради, функционал ҳолатдаги томирлар сонини 
оширади, периферик ва чуқур қисмида қон айланишни кучайтиради, 
ферментлар алмашинуви жараѐнларини тезлаштиради. Индуктотермия 
таъсир қилган жойда суяк тўқималарида кальцийнинг йиғилиши ортади. 
Тўқималарнинг битиши ва регенерациясининг тезлашиши кузатилади. 
Буйрак усти бези пўстлоғининг глюкокортикоид функциясини стимуллайди, 
катехоламинларнинг секрецияси ошади. Сўрилиш жараѐнлари тезлашади, 
организмнинг иммунологик хусусияти яхшиланади, фагоцитознинг фаоллиги 

---

85 
ортади, томир, ичак, бронхлар, сфинктерларга антиспазматик таъсир 
кўрсатади. Муолажа ИКВ-4, ДКВ-2 аппаратлари ѐрдамида ўтказилади. Бунда 
электрод вазифасини бажарувчи индуктор диск ва индуктор кабел 
қўлланилади.
Кўрсатма :
ички органларнинг ўткир ости ва сурункали касалликлари 
(бронхит, зотилжам, ошқозон ва ўн икки бармоқ ичак яраси, холецистит, 
гломерулонефрит, 
аднексит, 
простатит), 
умуртқа 
поғанасининг 
остеохондрози, мушак контрактуралари, ангиоспазмлар, алмашинув ва 
жароҳатдан кейинги артроз-артритлар, I- ва II-даражали гипертония 
касаллиги, Рейно касаллиги, яққол аллергик компонент билан кечувчи 
касалликлар (бронхиал астма, сурункали обструктив бронхит, ревматоидли 
артрит), таянч-ҳаракат аппаратининг, кичик тос органларининг, сийдик 
қопининг, ЛОР органларининг ўткир ости ва сурункали касалликлари, ўткир 
ва сурункали нефрит, неврит, радикулит ва х.з.