Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

Психологик профилактиканинг вазифалари:
Суҳбатлашиш ва ташхис текширувлари натижалари, шунингдек, ота-оналар ёки қонуний вакиллар ва педагоглардан олинган маълумотлар асосида болаларнинг психологик саломатлигини аниқлаш;
ижтимоийлашув, таълим ва тарбия жараёнида шахс шаклланиши ҳамда ривожланишидаги оғишларнинг олдини олиш бўйича чоралар белгилаш, болаларнинг катталар ва тенгдошлари билан бўладиган мулоқоти ҳамда муносабатларида психологик шикаст етказувчи омилларни бартараф этишга ёрдам кўрсатиш;
асабий-психик зўриқиш ва шахс сифатларининг бузилиши аломатлари аниқланган, шунингдек, аддиктив қарамликда бўлган (алкоголь, наркотиклар, токсик моддаларга ружу қўйиш, интернет-қарамлик ва бошқа шу каби ҳолатлардаги) ўсмирларга психологик ёрдам кўрсатиш;
мактабгача ва умумтаълим муассасалари, меҳрибонлик уйлари ҳамда оилада болалар тарбияси ва таълимининг психогигиеник шарт-шароитларига риоя этилишини назорат қилиш, бу шароитлар бузилган ҳолатларда чоралар кўриш;
болалар ва ўсмирларни ўз қизиқишлари, мойилликлари, қобилиятлари ва билимларини татбиқ этишни хоҳлаган ҳаётий фаолият соҳаларини англаб етишга тайёрлаш;
ота-оналар ёки қонуний вакилларга, педагогларга (уларнинг розилиги билан) шахслараро муносабатларда, оилада ёки педагогик жамоада носоғлом психологик иқлим муаммоларини ҳал этишда психологик ёрдам кўрсатиш, психологик шикаст етказувчи омиллар таъсирини бартараф этиш бўйича чоралар кўриш.
г) Психологик коррекция ва ривожлантириш - шахснинг шаклланиши ҳамда ривожланишидаги камчиликларни тузатиш ҳамда оғишларни бартараф этиш, ўқувчилар (тарбияланувчилар) муомаласи ва хулқ-атворидаги бузилишларни коррекциялаш, шахснинг психик ривожланиши учун зарур шарт-шароитлар яратиш.
Психологик коррекция ва ривожлантиришнинг вазифалари:
Ўқувчилар (тарбияланувчилар) даги психик жараёнлар, ижтимоий установкалар, субъектив фикрлар ва салбий муносабатлар ривожланишини коррекциялаш;
таълим ва мустақил ўқув фаолияти жараёнида ўқувчиларнинг билиш фаоллиги ҳамда қизиқишларини ривожлантириш мақсадида уларнинг интеллектуал пассивлигини коррекциялаш;
тарбияси қийин болалар ва ўсмирларниг ижтимоий установкалари, муносабатлари, ҳулқ-атвор мотивларини, уларнинг мактабга ва ижтимоий муҳитга етарли даражада мослаша олмаслик ҳолатларини коррекциялаш;
таълим-тарбия жараёни барча субъектлари ўртасидаги нормал шахслараро муносабатларни коррекциялаш ва ривожлантириш;
ўқувчилар, уларнинг ота-оналари ёки қонуний вакилларига, педагогларга психологик коррекция натижаларини, шахснинг нормал ривожланиши учун бу натижаларнинг аҳамиятини тушунтириш;
педагогик жамоа аъзоларининг хиссий-эмоционал ҳолатларини, шахслараро муносабатларини ва зиддиятли хатти-ҳаракатини коррекциялаш, уларнинг психологик маданиятини юксалтириш, раҳбарларнинг бошқарув услубини оптималлаштириш.
д) Психологик маслаҳат - ўқувчилар, тарбияланувчилар, уларнинг ота-оналари ёки қонуний вакилларига, педагогларга шахсий муаммолар ва зиддиятли муносабатларни конструктив ҳал этилишида психологик ёрдам кўрсатиш, шахснинг ички психологик имкониятларини сафарбар қилиш учун шарт-шароитлар яратиш.