Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

5-мавзу: Ўқувчиларнинг касб-ҳунарга лаёқатлилигини аниқлаш масалалари (2 соат амалий)
Касб-ҳунарга йўналтириш босқичлари мазмуни: кузатиш-ўқувчиларни меҳнат таълими дарсларида кузатиш, диагностик суҳбатлар, ўқувчиларни касб – ҳунарга йўналтириш бўйича ялпи тадбирлар. Ўқувчининг шахсий имкониятлари, психик ва физиологик хусусиятларини ўрганиш.
Ўқувчиларни касб–ҳунарга йўналтиришдаги психологик муаммолар: ўқувчининг хоҳиши, истагини ҳисобга олиш; касб-ҳунар эгаллашдаги қобилияти; ҳунар учун зарур билимларни эгаллаши ва мойиллиги; жисмоний аҳволи, соғлиги ҳақидаги маълумотларни ҳисобга олган ҳолда тавсиялар бериш тартиби.
Ўқувчиларнинг касбий лаёқат даражаларини аниқлаш мақсадида ДДС (дифференциал–диагностик сўровнома) методикасидан фойдаланиш. Касб танлаш мотивини аниқлаш. Ўқувчиларни касб – ҳунарга йўналтиришда ота- оналар билан ишлашнинг психологик хусусиятлари. Дарсдан ташқари машғулотларда ўқувчиларни касб-ҳунарга йўналтириш.
6-мавзу: Ихтисослашган синф ва мактабларга иқтидорли ўқувчиларни танлаш ва улар билан ишлаш (2 соат амалий).
Ихтисослашган синф ва мактабларга иқтидорли ўқувчиларни танлаш. Иқтидорли ўқувчиларни психологик жиҳатдан қўллаш, уларнинг ривожланиш ва изланишларига кўмаклашиш. Ўқувчилардаги иқтидорлилик сифати. Иқтидор–инсоннинг ўз хатти-ҳаракатлари, билимлари, имкониятлари, малакаларига нисбатан субъектив муносабат эканлиги.
Иқтидорли инсоннинг истеъдод соҳиби бўлиш имкониятлари. Иқтидорли болалар шахсининг ўзига хос хусусиятларини ўрганиш ва иқтидорлилигини психодиагностика қилиш тестларидан фойдалана олиш ва таҳлил қила билиш.
Иқтидорлиликни индивидуал ва оммавий ўрганиш. Равен, Айзенк, Торенс ва Кеттел тестларини амалда қўллаш ва олинган натижаларни қайта ишлаш тартиби.
7-мавзу: Хулқи оғишган ўқувчилар психологияси. Мактаб психологи ишида хулқи оғишганликни диагностика ва психокоррекция қилиш (2 соат амалий).
Тарбияси қийинликни намоён қилувчи психологик хусусиятлар. Болаларда тарбияси оғишганликнинг юзага келиш сабаблари. Мактаб психологи ишида хулқи оғишганликни диагностика ва психокоррекция қилиш. Ўсмирлик ҳулқ-атворининг ўзига хос томонлари.
Девиант ҳулқ-атворнинг ижтимоий-психологик диагностикаси. Ҳулқ-атвордаги оғишнинг коррекция қилишнинг психологик метод ва методикалари. Ўсмирларни ижтимоий қайта адаптациялашда психологик – педагогик қўллаб қуватлаш. Норасмий жиноятлашган ўсмирлар гуруҳининг ижтимоий-психологик ва педагогик жараёнлари.
Мактабда хулқи оғишганликни аниқлашнинг психологик методлари Люшер рангли тестлари, Шмишек сўровнамаси, УОД тести, “Мавжуд бўлмаган хайвон тести”.