Умумий ўрта таълим муассасаларининг ички тартиб ва одоб-ахлоқ қоидалари

25.
Ўқитувчиларга ўқувчилар билан муносабатда қуйидагиларга йўл 
қўйилмайди:
— ўқувчиларни жазолаш мақсадида уларга нисбатан жисмоний куч ишлатиш 
ёки руҳий тазйиқ ўтказиш ҳолатларига йўл қўймаслик; 
— ички тартиб ва кийиниш маданиятига риоя қилмайдиган ўқувчиларни 
синфдошлар ёки муассаса жамоаси олдида муҳокама қилмаслик; 
— ўқувчилар томонидан уйга вазифани бажармай келган ўқувчини оммавий 
изза қилиш ҳолатларини уюштирмаслик; 
— чет элга ноқонуний равишда чиқиб кетган ўқувчилар тўғрисидаги 
маълумотларни муассаса раҳбариятидан яширмаслик; 
— ўқувчининг ота-онаси ёки қонуний вакиллари билан шахсий адоватга 
бормаслик; 
— мазкур қоидаларга риоя қилишда ўқувчиларга ибрат бўлиб, шахсий 
намуна кўрсатиш, улар билан дўстона муносабатда бўлиш; 
— таълим муассасаси манфаатларига зид бўлган хатти-ҳаракатлардан 
тийилиш; 
— бирор-бир нохуш воқеа ёки ҳодиса рўй берса, зудлик билан таълим 
муассасаси раҳбариятини хабардор қилиш; 
— таълим муассасасининг шаъни ва нуфузига доғ туширадиган ҳар қандай 
ҳолатларнинг олдини олиш; 
— таълим муассасаси тўғрисидаги ахборотлардан унинг манфаатлари ва 
обрўсига зиён етказиш учун ёки ўз манфаатлари йўлида фойдаланмаслик; 
— мазкур қоидаларни барча таълим муассасаларида ҳар ойнинг биринчи 

---

9 
ҳафтаси жума кунларида ўтказиладиган “Маънавият ва маърифат соат”ларда 
кенг тушунтириб бориш; 
— ёшлар орасида соғлом турмуш тарзини кенг тарғиб қилиш, уларни зарарли 
одатлардан ва бошқа турли ҳалокатли таҳдидлар ҳамда жамиятимиз учун ёт 
бўлган диний ва экстремистик таъсирлардан, паст савияли “оммавий 
маданият” хуружларидан огоҳ этиб бориш.
26. Ота-оналарга белгиланган талаблар:
— таълим муассасаси ички тартиб қоидалари билан танишиш; 
— ўқитувчи шаъни ва қадр-қимматини ҳурмат қилиши, дарс жараёнларида 
аралашмасликлари, педагогларни ҳақорат қилмасликлари; 
— фарзандини дарс жараёнида таълим муассасасининг ички тартиб ва одоб-
ахлоқ қоидалари талабларига риоя этишини назорат қилиш; 
— фарзандини дарсларга тўлиқ қатнашишини (давомат) ҳамда фанлар 
бўйича иш дафтарлари ва таълим олиши учун зарур бўлган бошқа барча 
жиҳозлар билан таъминлаш; 
— фарзандини муассасага дарслик, ўқув қуроллари билан келишини 
таъминлаш; 
— фарзандининг таълим олишига тўсқинлик қилмаслик, унинг таълим 
муассасасига ўз вақтида келиши, дарсдан кейин фарзандини бўш вақтини 
мазмунли ташкил этиш; 
— синф раҳбари ва фан ўқитувчилари билан фарзандининг хулқи ва 
давомати юзасидан алоқада бўлиш; 
— фарзанди дарсларга келмай қолиши мумкин бўлган пайтларда таълим 
муассасасига (синф раҳбарига) унинг сабабларини билдирган ҳолда маълум 
қилади; 
— таълим муассасасининг таклифига асосан муассасада ўтказиладиган ота-
оналар йиғилиши, суҳбат ва турли маънавий-маърифий тадбирларда иштирок 
этиш.