Умумий ўрта таълим мактабларининг “тарбия” фани дарслиги концепцияси м у н д а р и ж а

Дарсликнинг тузилиши


Дарслик бир неча боблардан иборат бўлиб, ҳар бир боб қуйидаги рубрикалардан иборат шмуцтитул билан очилади:
- Бўлим номи – бунда ўқув дастури асосида бўлим материалининг мазмуни аниқ акс эттирилади;
- Бўлим эпиграфи – бу ўқувчилар ҳаётнинг у ёки бу соҳасида қўлланиладиган ижтимоий компетенциялар, маънавий-ахлоқий фазилатлар дунёсига таклифнома вазифасини бажаради.
- фаолиятли ёндошув асосида ўқувчиларга ушбу бўлимда улар нималарни билиб, ўрганиб олишлари тўғрисида қисқа кириш сўзи берилади.
Дарслик матни ўқувчи учун тушунарли тилда, тасвирий воситалардан кенг фойдаланилган ҳолда тузилади. Гиперматн шакли ўқувчиларнинг у ёки бу хулқ сценарийларини танлаш ва тузишда иштирок этишларига хизмат қилади.
Мавзулар композицияси “Асосий матн”, “Савол-жавоблар”, “Уйга вазифа”, “Ота-оналар учун”, “Малака машқи”, “Видео намуна” каби қисмлардан иборат бўлиши ҳам мумкин.


Дарсликнинг методик аппарати.


Ҳар бир мавзуни ўрганишда
- «Ўқиймиз, ўйлаймиз, кўрамиз, бажарамиз, муҳокама қиламиз» (мавзу мазмунини тушуниш учун топшириқ ва саволлар берилади. Бунда ребус, топишмоқ, ва бошқа тасвирий воситалардан фойдаланилади.
Ижтимоий компетенцияларни ўргатишда якка, жуфтлик, микрогуруҳ, гуруҳ ва жамоа бўлиб ишлаш ташкил қилинади.
Микрогуруҳларда:
- ўқувчилар томонидан бадиий асарларда баён этилган маънавий-ахлоқий фазилатлар, ижтимоий малакаларни инсценировка қилиш, ижтимоий ролли ўйинлар ўйнаш;
- ҳар бир ижтимоий малакага “педагогик режиссерлик” шарҳларини бериб бориш;
- ҳар бир фазилат, ижтимоий малака бўйича видео роликлар ташкил қилиш мумкин.


Дарслик дизайни


Дарслик ёрқин, рангли, иллюстрацияларга бой бўлади. унинг ҳар бир бўлими ўзига хос фонга, миллий ва умуминсоний хулқ, ижтимоий малака, фазилатларнинг расмлари билан таъминланган бўлади.
Ҳар бир дарслик диск билан таъминланади. Унда дарслик мазмунини акс эттирувчи видео, аудио, медиа материаллар берилади.

Республика Маънавият ва

маърифат маркази