Умумий ўрта таълим мактабларида синфдан ташқари ишлар” 1-мавзу: Умумий ўрта таълим мактабларида синфдан ташқари ишлар ва унинг мазмуни

Жисмоний тарбия жамоаси кенгаши аъзолари таркиби

Қайдноманинг 1-саҳифасида жамоа кенгаши аъзолари таркиби, уларнинг бажарадиган ишлари, таҳсил оладиган синфи (ўқитувчи бўлса, ўқув фани), яшаш манзили ва мавжуд телефон рақамлари қайд қилинади. Кенгаш таркибига унинг аъзолари бажарадиган фаолиятидан келиб чиқиб танланади. Умумий раҳбарлик қилишга лаёқати борлар ва шу ишга иштиёқмандлар кенгаш раиси унинг муовинлари қилиб сайланади, ташкиллаш, уюштириш қўлидан келадиган кенгаш аъзолари оммавий-ташкилий ишлар комиссиясига; ўргатиш, ўқитиш қўлидан келадиганлар, спорт тури бўйича назарий тайёргарлиги баландроқ ўқувчилар, ўйин қоидаларини биладиганлардан ўқув-спорт ишлари комиссиясига; ҳисобот ва ҳужжатлаштириш ишлари комиссиясига синфдан ташқари ишлар мазмуни ва уни тузилиши ҳақида тушунчаси бор ўқувчилардан; тарғибот-ташвиқот ишлари комиссиясига бўлажак журналистлар, ёзувчи-шоирлар, фото мухбирлар, ҳужжатли филмларнинг режиссеру-операторлари; хўжалик ишлари комиссиясига эса дурадгор, бўёқчи, бўлажак қурувчи ва шу ишларга лаёқати бор ўқувчиларни сайлаш кенгаш фаолиятида муҳим роль ўйнайди. Бундай ўқувчиларга олдиндан кичик топшириқлар берилади, уларнинг ижрочилик қобилияти даражаси ўрганилади, топшириққа нисбатан масъулият сезиши синалади. Одатда тажрибали жисмоний тарбия ўқитувчилари бундай ўқувчиларни олдиндан қатор йиллар давомида ўзлари тайёрлайдилар. Аввал иш ўргатадилар, сўнг улардан фойдаланадилар. Амалда 7-8 синф ўқувчилари бундай топшириқларни қизиқиб бажарадилар. Қўйи синфлардан уларга стажер бириктириш, мактабни битирганлар ўрнини тўлдириш учун қулайлик яратади, янгиларга иш ўргатишга сарфланадиган вақт тежалади. Биз қайдномада ҳисобот-ҳужжатлаштириш ва рўйхатга олишда фойдаланиладиган айрим варақларни ажратдик, уларни ўз вақтида тўлиқ тўлдириш орқали мактаб жисмоний тарбия жамоаси ва уни синфдан ташқари ишларни амалга оширишдаги фаолиятини тўлиқ ифодалаш имкониятига эга бўламиз. Хулоса қилиб айтишимиз мумкинки, ўқувчи жисмоний тарбиясининг синфдан ташқари ишларини мазмунини ўзаги ўқув тарбия муассасалардаги жисмоний тарбия жамоаларининг фаолияти деб айтиш мумкин. Жамоа фаолиятини самарадорлиги, унинг тарбиявий аҳамияти, ўқувчиларни кундалик турмушда ўз-ўзини бошқариш, топшириқни ижроси олдида масъулият, жамоадошлари манфаати учун ўз манфаатини қурбон қилиш, ҳаётий ижтимоий қоида ва принципларга риоя қилишдек давлатимизни келажак авлод тарбияси учун қўйган талабларига мувофиқдир.