Умумий ўрта таълим мактаблари учун жамоа шартномаси макети

Шартнома __________________________ дан кучга киради ва _____________________________ гача амал қилади. Белгиланган муддат тугагач, жамоа шартномаси тарафлар янги шартнома тузгунча ёки амалдаги шартномани ўзгартиргунча, тўлдиргунча амалда бўлади.

Мазкур Шартнома Иш берувчига ва Мактабнинг барча ходимларига, шу жумладан, жамоа шартномаси кучга кирганидан кейин ишга қабул қилинган шахсларга, ўриндош ходимларга ҳамда мактаб касаба уюшмаси қўмитасига бириктирилган кичик нодавлат ташкилотларнинг ходимларига ҳам татбиқ этилиши мумкин.

Мазкур Шартномада назарда тутилган ҳолларда унинг айрим қоидалари қуйидагиларга нисбатан ҳам татбиқ этилади:

ходимнинг оила аъзоларига;
ёшга доир пенсияга чиқиши муносабати билан меҳнат муносабатлари иш берувчи томонидан бекор қилинган шахсларга;
касаба уюшмаси қўмитасининг штатдаги ходимларига (агар мавжуд бўлса);
мазкур мактабда меҳнат вазифаларини бажариш билан боғлиқ ҳолда жароҳатланиши, касб касалликларига чалиниши ёки саломатликнинг бошқа хил шикастланиши туфайли зарар етказилиши оқибатида жабрланган собиқ ходимларга;
меҳнатда майиб бўлиши, касб касаллиги ёки меҳнат вазифаларини бажариш билан боғлиқ ҳолда соғлигига бошқача тарзда шикаст етиши сабабли вафот этган ходим карамоғида бўлган ва зарар тўловини олиш ҳуқуқига эга бўлган меҳнатга қобилиятсиз шахсларга;
касаба уюшмаси аъзоларига (касаба уюшмаси бюджети ҳисобидан бериладиган қўшимча имтиёзлар қисмида).

6. 
   Шартномага ўзгартириш ва қўшимчалар киритиш тарафларнинг ўзаро розилиги билан Меҳнат кодексида уни тузиш учун белгиланган тартибда амалга оширилади.
   
7. 
   Иш берувчи барча ходимларни, шу жумладан ишга янги қабул қилинган ходимларни, жамоа шартномаси, шунингдек Касаба уюшмаси қўмитаси билан келишиб қабул қилинган Мактабнинг бошқа локал ҳужжатлари билан таништириш, жамоа шартномасининг мазмунига ва бажарилиши шартларига оид маълумотлар ошкоралигини (мажлислар, масъул ходимлар ҳисоботлари, ахборот стендлари ва ҳоказо орқали) таъминлаш мажбуриятини ўз зиммасига олади.
   
8. 
   Мактабга янги ишга қабул қилинган ходимларни дастлаб касаба уюшмаси қўмитасида танишув суҳбатидан ўтиши йўлга қўйилади.
   
9. 
   Ўзбекистон Республикаси Меҳнат кодексининг 9-моддасига мувофиқ, касаба уюшмаси органлари меҳнат тўғрисидаги қонун ҳужжатлари ва меҳнатни муҳофаза қилиш қоидаларига риоя этилишини текшириш ҳамда назорат қилишни амалга оширадилар. Касаба уюшмаси вакилларининг мактабга ушбу масала юзасидан фаолият олиб боришларига тўсқинлик қилинмайди.
   
10. 
    Халқаро меҳнат ташкилотининг “Муассасаларда меҳнаткашлар вакилларининг ҳуқуқларини ҳимоя қилиш ва уларга бериладиган имкониятлар тўғрисида”ги 135-Конвенциясига, шунингдек Ўзбекистон Республикаси Адлия вазирлигида 1995 йил 18 декабрда 196 рақам билан рўхатга олинган “Меҳнат муҳофазаси бўйича вакил ҳақида Низом”нинг 12-бандига биноан ходимларнинг қуйидаги тоифалари мазкур келишув мақсадларида Меҳнаткашлар вакиллари деб эътироф этиладилар:
    

а) сайлаб қўйиладиган касаба уюшмаси қўмитаси раиси ва аъзолари;
б) меҳнатни муҳофаза қилиш бўйича вакил;
в) меҳнат низолари комиссиясининг аъзолари.
Ходимларнинг вакиллик органлари аъзоларининг меҳнат соҳасидаги қўшимча кафолатлари Ўзбекистон Республикаси Меҳнат кодексининг 25-моддасига мувофиқ белгиланади.

11. 
    Мактаб педагог - ўқитувчилари ва ходимларини аттестациядан ўтказиш комиссияси таркибига касаба уюшмаси қўмитаси вакилини киритади.