Умумий психология ва спорт психологияси

---

Умумий психология ва спорт психологияси
4-семестр; 5-мавзу 
 
1-саҳифа 
 
СПОРТЧИНИ ПСИХОЛОГИК ТАЙЁРЛАШНИНГ
АСОСИЙ ВОСИТА ВА УСУЛЛАРИ.
СПОРТЧИНИ ИРОДАВИЙ ТАЙЁРЛАШ 
 
Тузувчи: психол.ф.н., доцент О.Э. Ҳайитов 
 
Режа: 
5.1. Психологик тайёргагарлик воситалари. 
5.2. Психологик тайёргарликда индивидуал ёндошув. 
5.3. Спортчиларни 
мусобақага 
психологик 
тайёрлашни 
режалаштириш асослари. 
5.4. Спортчини иродавий тайёрлаш ҳақида умумий тушунча. 
 
5.1. Психологик тайёргагарлик воситалари 
Психологик тайѐргарлик воситаларига қуйидагилар киради:
1.Психологик машқлар. 
2.Психологик таъсир ўтказиш.
3.Ўз-ўзини англаш, ўз-ўзини тарбиялаш ва ўз-ўзини такомиллаштириш.
5.1.1. Психологик машқлар 
Психологик машқлар асосан умумий психологик тайѐргарлик доирасида 
қўлланилади. Шунингдек, улардан спортчини мусобақага психологик тайѐрлаш 
жараѐнида ҳам фойдаланилади. Психологик машқларнинг моҳияти шундаки, 
уларда спортчи томонидан зарурий психик хусусиятларнинг намойиш 
этилишини фаоллаштириш мақсадида муайян хатти-ҳаракатлар қайта-қайта 
такрорланади. Психологик машқлардан олдин ҳамиша муайян мақсад қўйилиб, 
мазкур мақсадда психологик йўналиш ўз ифодасини топади. Масалан, қўлларни 
силканиш ҳаракатини бажариш чоғида ҳаракатларнинг амплитудасини аниқ 
такрорлаш ҳисобига ҳаракат сезувчанлигининг даражасини ошириш мақсад 
қилиб қўйилади. Энг юқори юклама билан бажариладиган машқларда ушбу 
юкламани енгиб ўтиш ҳисобига спортчининг иродавий кучини мустаҳкамлаш 
вазифаси қўйилади ва ҳоказо. Спорт тренажѐрларининг компьютер дастурлари 
ҳам зарур психик сифатларни такомиллаштиришга хизмат қилади. Тренажѐрлар 
(компьютер дастурлари) ѐрдамида мураккаблигига кўра жуда хилма-хил 
вазиятларни моделлаштириш мумкин. Ушбу моделлар спортчи қабул қилган 
қарорнинг тўғрилиги ҳақида унинг вақт оралиғида тутган хусусиятлари ва 
ҳоказолар ҳақида муайян ахборотни беради. Ўзбекистон Давлат жисмоний 
тарбия ва спорт университетининг спорт психологияси ва педагогика 
кафедрасида ана шундай тренажѐрларнинг компьютер дастурлари (З.Гаппаров 
томонидан) яратилган (“Синхро”, “Слаломист”, “Тактик”).
Психологик машқларнинг мазмуни ва шакли спорт турининг махсус 
жиҳатлари мазмуни ва спортчи психикасининг ихтисослаштирилган 

---