Умумий қоидалар

VII. ТАҲРИРИЯТ БОШҚАРУВ ОРГАНЛАРИНИ
ШАКЛЛАНТИРИШ ТАРТИБИ
7.1. Таҳрир Кенгаши ва Таҳрир Ҳайъати таҳририятнинг бошқарув органи ҳисобланади.
7.2. Таҳрир Кенгаши тайёрланган журнал сонининг нашр этилишига рухсат беради.
7.3. Таҳририятни муассис томонидан тайинланган Бош муҳаррир бошқаради.
7.4. Бош муҳаррир:
таҳририятга раҳбарлик қилиб, унинг Низомда белгиланган вазифаларнинг бажарилишини ташкил этади, шартномалардаги таҳририятга тегишли мажбуриятлар бажарилиши, ҳуқуқлар амалга оширилишини таъминлайди;
таҳририятнинг ижодий фаолиятини ташкил этади ва амалга оширади;
таҳририят ходимларига мақолалар тайёрланадиган йўналишлар, мавзу ва вазифаларни белгилаб беради, тайёрланган мақолаларнинг чиқарилишига тавсия беради.
7.5. Таҳрир Ҳайъати Бош муҳаррир ва Ўзбекистон ҳамда хорижий мамлакатлардаги бадиий ижодиёт соҳасида катта илмий салоҳиятга эга таҳририят аъзоларидан иборат бўлиб, ўз касб фаолиятида мустақилдир.
Таҳририят аъзоси таҳририятда фаолият юритувчи, материалларни тўплаш, таҳлил, таҳрир қилиш ҳамда тайёрлаш билан шуғулланувчи шахсдир.

VIII. ТАҲРИРИЯТНИНГ МОЛИЯВИЙ-ХЎЖАЛИК ФАОЛИЯТИ
8.1. Таҳририятнинг молиявий таъминланиш манбалари қуйидагилардир:
- муаллифлар тўловлари, журнал обунаси, журнални чакана сотиш ва бошқа хизматлар учун тўланадиган ҳақлардан олинадиган даромадлар;
- юридик ва жисмоний шахслар томонидан ажратиладиган ҳомийлик ва хайрия маблағлари;
- амалдаги қонунчиликда ман этилмаган бошқа манбалар.
8.2. Бюджетга ва бюджетдан ташқари фондларга барча солиқлар ҳамда бошқа мажбурий тўловлар тўланганидан кейин қоладиган соф фойда таҳририят ихтиёрида қолади.
8.3. Таҳририят фаолиятидан олинган фойда таҳририят аъзоларини рағбатлантириш, моддий-техник базани мустаҳкамлашга сарфланади.
8.4. Журналнинг обуна баҳоси ва бошқа хизматлар учун тўланадиган ҳақ бозор иқтисодиёти талаблари билан боғлиқ равишда ўзгартирилиши мумкин.
8.5. Ноширдан кўриладиган зарар Муассис ҳисобидан қопланади.