Умумий қисм

2.Банк сири.
Банклар банк сирини таъминлашлари шарт. Банк сири - бу мижозлар ва вакилларнинг операциялари, ҳисобварағлари ҳамда жамғармаларига доир ва банк қонунчилигида кўрсатилган ҳоллардан мунтасно учинчи шахсларг берилмайдиган маълумотлардир.
«Банклар ва банк фаолияти тўггрисида»ги Қонуннинг 38 моддасига биноан, юридик шахслар ва бошқа ташкилотларнинг операциялари ҳамда ҳисобварақларига доир маълумотлар ана шу ташкилотларнинг ўзига, прокурор, судларга, жиноий иш қўзғатилган бўлса суруштирув ва тергов органларига берилади.
Жисмоний шахсларнинг ҳисобварақлари ва омонатларига доир маълумотлар мижозларнинг ўзига ва уларнинг қонуний вакилларига ; мижозларнинг ҳисобварақлари ва омонатларида турган пул маблағлари ҳамда бошқа қимматбаҳо нарсалар хатланиши, уларга ундирув қаратилиши ёки мол- мулк мусодара этилиши мумкин бўлган ҳолларда юритилаётган ишлар бўйича судлар, суруштирирув ва тергов органларига берилади.
Ҳисобварақлар ва омонатнинг эгалари вафот этганда ушбу хисобварақлар ҳамда омонатга доир маълумотлар мазкур ҳисобварағ ёки омонат эгаси ёзган васиятномасида кўрсатилган шахсларга, вафот этган омонатчиларнинг жамғармаларига доир мерос ишларини юритаетган давлат нотариал идораларига, чет эл фуқароларнинг ҳисобварақларига доир маълумотномалар эса - чет эл консуллик муассасаларига берилади.
Солиқ органлари сўровлари бўйича банклар солиқ тўловларини тўла ва тўғри тўлашни назорат қилиш учун мижозлари ҳисобланган корхоналар операциялари тўғрисидаги маълумотларни беради.
Хизмат бурчи юзасидан банк сири ҳисобланган маълумотлардан ҳабардар бўлган шахслар банк сирини ошкор қилганликлари учун қонун хужжатларида белгиланган тартибда жавобгарликка тортиладилар.
Юқорида кўрсатилган ҳолларда гап банк сири хисобланган маълумотларни мижозларнинг розилигисиз учинчи шахсларга бериш тақиқланганлиги тўғрисида кетияпти. Мижозлар банк сири ҳисобланган маълумотларни учинчи шахсларга чегарасиз бериши, ёки банк ўзига ошинчини ошириш мақсадида унга тегишли банк сирини ошкора килишга розилигини билдириши мумкин.