ُумумий физиканинг «атом, ядро ва элементар зарралар физикаси» БЎлимидан

3-мавзу Водород атомининг Бор назарияси бўйича амалий машғулотнинг технологик картаси

Босқичлар, вақти	Фаолият мазмуни
	Ўқитувчи	Талаба
1-босқич. Кириш (10 мин.)	1.1. Мавзу, унинг мақсади, ўқув машғулотидан кутилаётган натижалар маълум қилинади ( 1-илова).	1.1. Эшитади, ёзиб олади.
2-босқич. Асосий (60 мин.)	2.1. Мавзуга оид ечиладиган масалалар рақамларини талабаларга тақдим этади (2-илова). 2.2. Талабаларга вазифани бажаришда ўқув материаллари (маъруза матни, ўқув қўлланма, масалалар тўплами) дан фойдаланиш мумкинлигини эслатади. 2.3. Масалаларни ечиш учун гуруҳларда иш бошлашни таклиф этади. 2.4. Маълум бир вақтдан кейин гуруҳларда ишланган масалаларни тақдимоти бошланганини эълон қилади. 2.5. Гуруҳ таркибига кирган талабалар тақдимотини шархлайди, масала ечиш юзасидан талабалар қилган хулосаларга эътибор беради, уларга аниқлик киритади. 2.6. Талабаларга Б.Б.Б усули бўйича ифодаланган жадвални намойиш қилади ва унинг устунларни тўлдиришни айтади ( 3-илова). 2.7. Жадвални тўлдиришда ишлатилган тушунчаларга берилган изоҳларни тўғрилайди ва талабаларнинг саволларига жавоб қайтаради. 2.8. Гуруҳлар фаолиятига умумий балл беради ( 4-илова).	2.1. Тақдим этилган масалаларни еча бошлайди. 2.2.Ўқув материалларидан фойдаланиб, масалаларни еча бошлайди. 2.3.Гуруҳлардан бирортасини таркибига кириб, берилган масалаларни ишлай бошлайди. 2.4.Ишлаган масалаларини тақдимот қилади. 2.5. Эшитади ва қилган хатоларини тўғрилайди. 2.6. Жадвални тўлдиради. 2.7. Эшитади ва қилган хатоларини тўғрилайди. 2.8. Эшитади. .
3-босқич. Якуний (10 мин.)	3.1. Машғулотни якунлайди, талабаларни ва фаол иштирокчиларни рағбатлантириш мақсадида баҳолайди (5-илова). 3.2. Мустақил иш сифатида талабаларга уй вазифа беради.	3.1. Эшитади. 3.2. Топшириқни олади. .