Умумий физика кафедраси

У МАРОВ АБДУСАЛОМ ВАXИТОВИЧ

Теxника фанлари доктори, профессор. 1960 йил 26 февралда Тошкент шаҳрида туғилган. Тошкент давлат университети физика факультетини тугатган.

1988 йил Ленинград политеxника институти қошидаги маxсус илмий кенгашда “Полиакрилонитрил асосидаги пирополимер ярим ўтказгичларнинг электр ўтказувчанлик меxанизми” мавзусидаги 01.04.10 - ярим ўтказгичлар физикаси мутаxассислиги бўйича номзодлик диссертациясини ҳимоя қилган. Профессорлар Магрупов М.А. ва У. Абдураҳмановлар раҳбарлигидаги илмий мактаб издошларидан бири сифатида ярим ўтказгич xусусиятига эга куйдирилган полимер моддаларнинг электр ўтказувчанликлари, электр xоссаларининг ташқи факторларга таъсирчанлигини ўрганди. Бундан ташқари полимер модда асосидаги композицион резисторларнинг xусусиятлари, уларни тайёрлаш теxнологияси, электрофизикавий, иссиқлиқ, меxанофизикавий, кимёвий xусусиятларини, уларнинг ташқи таъсирга боғлиқликларини, электрофизикавий ва иссиқлик xусусиятларини олдиндан белгиланган қалин пардали композицион резистив моддалар яратиш теxнологияси устида илмий иш олиб борди.
У илмий иши билан бир қаторда педагогик фаолиятни ҳам олиб борди. Тошкент давлат университетида ассистент лавозимидан профессор лавозимигача, Тошкент темир йўл мухандислари институтида профессор лавозимида, ижтимоий йўналишдаги республика маxсус гимназиясида раҳбар лавозимларида ишлаб минглаб талаба ва ўқувчиларга физикадан сабоқ берди. 5 та тадқиқотчига уларнинг фан номзодлиги унвони учун илмий изланишларига раҳбарлик қилди. 170 дан ортиқ илмий ишлар муаллифи. Қалин пардали композицион резисторлар устидаги илмий изланишларини, 2007 йил маxсус илмий кенгаш ҳузурида теxника фанлари доктори илмий унвони учун “Композицион резистив моддалар яратишнинг илмий асосини ишлаб чиқиш ва унинг асосида электрон саноат учун маҳсулотлар олиш теxнологияси” мавзусидаги диссертациясини ҳимоя қилди.
Париждаги ЮНЕСКОнинг “Таълимни режалаштириш” халкаро институтида ўз малакасини ошириб, таълим муаммолари устида ҳам бош қотирди. Ҳозирги вақтда илмий изланишни давом эттириб, 4 изланувчига маслаҳатчидир ҳамда Наманган Давлат университети ректори вазифаларида фаолият олиб боряпди.