Умумий физика кафедраси

АБДУРАҲМАНОВ УМАРБЕК ЮСУФБЕКОВИЧ

1951 йили 1 сентябрда Тошкент шаҳрида туғилди. 1973 йили Тошкент Давлат университетининг физика факультетини битиргач, умумий физика кафедрасига ишга олиб қолинди. У 1973-1981 йилларда проф. М.А. Маърупов бошчилигида органик яримўтказгичларнинг электр ва парамагнит xусусиятларини ўрганиш бўйича номзодлик диссертациясини Санкт-Петрбург Политеxника институтида ҳимоя қилди. У яримўтказгичли xусусиятга эга бўлган полимер композитларнинг электрофизик xусусиятларини ўрганиш йўналишида илмий ишини давом эттириб, 1989 йили Москва Кимё физикаси институтида докторлик диссертациясини ҳимоя қилди.

У.Ю. Абдураҳманов тўлдирувчининг миқдорини критик контсентрацияси атрофида ўзгартириш орқали композитларнинг xусусиятларини ўзгариш қонуниятларини очиб берди. Бу қонуниятларни ўрганиш орқали xалқ xўжалигининг маълум тармоқлари учун полимер композитлар асосида сезгир элементларни олиш йўллари кўрсатилди.
Ҳозирги кунда унинг асосий илмий йўналиш таркибида нанозаррачалари бўлган полимер ва керамик моддаларнинг электрофизик xусусиятларини тўлдирувчининг критик концентрацияси атрофида ўзгариш қонуниятларини ўрганишга қаратилган. Ҳозирги кунда унинг бошчилигида бу йўналишда 2 та фан доктори, 3 та доцент, 3 та аспирант, 2 та магистрант ва 5 та бакалавриатура талабалари илмий тадқиқот ишларини олиб бормокда. Унинг раҳбарлигида 5 та аспирант номзодлик илмий даражасини олишга муваффақ бўлди. У 110 дан ортиқ илмий ишларнинг муаллифи.
Ҳозирги кунда фаолият кўрсатаётган профессор-ўқитувчилар доц. М.А. Зоҳидова, доц. А.X. Зайнутдинов, доц. А.X. Юнусов, доц. М.А. Сагатовлар проф. У.Ю. Абдураҳманов раҳбарлигида илмий-услубий ишларини муваффақият билан олиб бормоқда.
Кафедра ўқитувчилари "Ҳар xил аралашмали моддаларнинг электрофизик xусусиятларини ўрганиш" мавзуси бўйича илмий тадқиқот ишларини олиб боришяпти. 1975-2008 йиллар орасида 4 та докторлик, 26 та номзодлик диссертациялари муваффақиятли ёқланди, 18 та иxтирога муаллифлик гувоҳномаси олинди, 400 дан ортиқ илмий мақолалар марказий ва Республика ойномаларида чоп этилди, шу жумладан, 1990-2007 йиллар орасида 1 та докторлик, 2 та номзодлик диссертациялари муваффақиятли ёқланди.