Umum ped na amal-O`um 13-14

Tayanch so`z va iboralar

Turkiston o`lkasi, diniy-islomiy muassasalar, chorizm maktab siyosati, rus maktabi, rus-tuzem maktablari, Furqat, Ahmad Donish, Shakuriy, Siddiqiy, Aziziy, I.Rahmatillayev, jadid, jadidchilik ma’rifati, Turkistonda jadidchilik, ta’lim-tarbiya, Mahmudxo`ja Behbudiy, Munavvar Qori, Abdurauf Fitrat, Abdulla Avloniy, H.H.Niyoziy, yangi usul maktablar, gazeta-jurnal nashri, teatr,darsliklar.

«Ta’lim to`g`risida»gi Qonun va «Kadrlar tayyorlash milliy dasturida talab etilganidek ta’lim-tarbiya jarayonida milliy va umuminsoniy qadriyatlarning ustivorligiga erishishimiz, yoshlarda «boy milliy madaniy-tarixiy ana’nalarga va xalqimizning intellektual merosiga hurmat» tarbiyalashimiz lozim. Buning uchun esa tariximizning har bir davrini ob’ektiv o`rganishimiz, unga haqqoniy baho berishimiz va har bir davrdagi ilg`or qarashlarni ta’lim-tarbiya jarayoniga olib kirishga harakat qilishimiz kerak. Yurtboshimiz bu masalaga o`z asarlarida alohida e’tibor berib kelmoqdalar.

XIX asr madrasalarida O`rta asrga oid diniy falsafa, musulmon huquqlari, arab tili grammatikasi, mantiq ilmlari o`qitilgan. Uni tugatib imomlik qilish yoki qozixonada ishlash mumkin bo`lgan. Maktab va madrasalarda dars o`zbek, arab, fors-tojik tillarida olib borilgan. Asosan o`g`il bolalar o`qigan.