Umum ped na amal-O`um 13-14

ABU ALI IBN SINO VA ABU RAYHON BERUNIYLARNING PEDAGOGIK QARASHLARI
REJA:
1.Abu Ali Ibn Sino asarlaridan foydalanishning nazariy asoslari

2. 
   Abu Ali Ibn Sinoning pedagogik qarashlari
   
3. 
   Abu Rayhon Beruniyning jamiyat taraqqiyotiga qo`shgan hissalari
   
4. 
   Beruniyning pedagogik qarashlari yuzasidan fikrlar timglanadi
   

MAShG`ULOTNING BORIShI.
1.Savol-Abu Ali Ibn Sino hamda uning asarlari haqida nimalarni bilasiz?
Javob-Sharqda «Shayx ar-Rais» nomi bilan mashhur bo`lgan allomalardan biri o`rta asr buyuk mutafakkiri Abu Ali nbn Sinodir. Ibn Sino ham boshqa zamondosh qomusiy olimlar qatori matematika, astronomiya, fizika, kimyo. biologiya, tibbiyot, dorishunoslik, ruhshunoslik, fiziologiya, falsafa, filologiya, ta’­lim-tarbiya sohalarida ijod etgan va dunyoga mashhur yirik asarlar meros qoldirgan olim. U ayniqsa tib ilmini chuqur egallab oladi, bu sohada unga ta’lim bergan kishi Buxorolik Abu Mansur Qamariy bo`ldi. Ibn Sino so`ngra falsafani o`rganishga kirishadi. Allomadan keyingi avlodlarga 250 dan ortiq ilmiy asar boy meros bo`lib qoldi.
Abu Ali ibn Sinonnng «Al-Qonun», «Хayy ibn Yaqzon», «Risolat at-tayr», «Risolat fi-l-ishq» («Ishq haqida risola»), «Risolat fi mohiyat as-salot» («Nomozning mohiyati haqida risola»), «Kitob fi ma’no ziyorat» («Ziyorat qilishning ma’nosi haqida»), «Risolat fi-daf al-g`am min al mivt» («O`limdan keladigan g`amni daf qilish haqida risola»), «Risolat al-qadr», «An-Najot», «Ash- Shifo», «Donishnoma», «Kitob ash-ishorat» asarlari haqida aytib o`tishadi. Olim o’zining “Donishnoma” asarida bolalar sog’ligini saqlash, mashg’ulotlar vaqtida charchab qolishning oldini olish singari vazifalari haqida fikr bildiradi.