|
“Тасдиқлайман”
Мактаб директори__________Ф.Жумаев
21.09.2017 йил
Қумқўрғон туман 33- ўрта таълим мактабида ўтказилган ўқитувчиларнинг навбатдаги йиғилиш
Б А Ё Н И
21.09.2017 йил № 33-мактаб биноси
Йиғилиш раиси: мактаб директори Ф.Жумаев
Қатнашувчилар: барча ўқитувчилар,тўгарак рахбарлари
кутубхона ходимлари
К У Н Т А Р Т И Б И :
1.”1-октябр-Ўқитувчи ва мураббийлар куни”га тайёргарлик кўриш ва уни ўтказиш тўғрисида
Йиғилишни мактаб директори Ф.Жумаев табрик сўзи билан очди.Ўқитувчилик нақадар оғир,машаққатли касб эканлиги ва шу билан бирга шарафли касб эканлиги ҳақида гапириб ўтди. Ўзбекистон Республикасининг “Таълим тўғрисида”ги Қонуни,”Кадрлар тайёрлаш миллий дастури” талаблари асосида ёш авлодни юксак маънавий қадриятларимиз,миллий истиқлол ғоясига содиқлик,ватанпарварлик руҳида тарбиялаш,уларга замон талабларига мос билим беришда махорати,шахсий иборат намунаси билан беминнат хизмат қилаётган ўқитувчилар ва мураббийларни қанчалик юксакларга кўтарсак оз.Давлатимиз мустақилликка эришган 24 йил давомида таълим соҳасида қанчалик ўзгаришлар,янгиликлар,бунёдкорлик ишлари амалга оширилган бўлса булар барчаси келажагимиз ворислари учундир.Келажагимиз ворисларига эса бу жабҳада албатта устозлар ва мураббийлар таълим-тарбия бериб келишмоқда.Ўзбекистон Республикаси биринчи Президенти И.А.Каримовнинг ”Билимга чанқоқ,истеъдодли ёшларни топиб,уларни Ватанга фидойи қилиб тарбиялаш муқаддас вазифадир” деган эзгу фикрлари ўқитувчи ва мураббийларимизга бўлган ҳурмат,эҳтиром белгисидир.
Шу муносабат билан мактабда турли кечалар,давра суҳбатлари,танловлар ва байрам тадбирилари ўтказилиши лозим.ММИБДЎ Э.Холмўминов ўз сўзида тадбир Ўзбекистон Республикаси Президенти Фармонида қайд этилган:”Бу байрамда ўтказиладиган барча тадбирлар ўқитувчилар,мураббийлар,тарбиячилар,умуман болалар билан ишлашга,уларнинг соғлигини ҳимоялашга,жисмонан ва руҳан соғлом авлодни камол топтиришга ўз ҳаётини бахшида этган инсонларни улуғлашга бағишлансин”,-деган тамойилдан келиб чиқиб,мактаб иши,жамоатчилик манфаати,Ватанга муҳаббат,келажак авлод тарбиясига ҳурмат руҳида ўтказилиши зарур.Тадбирга нафақада бўлган ўқитувчилар,мураббийлар таклиф қилинади.Байрам тадбири ўтказиладига жойлар устоз ва мураббийларни улуғлайдиган,уларнинг меҳнатини қадрлашга ундайдиган,таълим олаётган ёшларга,таълим ислоҳатига бағишланган,шунингдек муҳтарам Президентимизнинг устозлар шаънига билдирган сўзлари ёзилган шиорлар билан жиҳозланади.Бир неча фаол ўқитувчилардан Шоимқулова С,
Бердиева Г,Мамасоатова З лар ҳам сўзга чиқишиб ўз фикр-мулоҳазалари билан ўртоқлашдилар.
Ушбу масала юзасидан билдирилган фикр-мулоҳазалардан келиб чиқиб йиғилиш
Қ А Р О Р Қ И Л А Д И:
1. ”1-октябр-Ўқитувчи ва мураббийлар куни”га тайёргарлик кўриш ва уни ўтказиш бўйича мактаб директори Ф.Жумаевнинг ва ММИБДЎ Э.Холмўминовларнинг ахбороти маълумот ва ижро учун қабул қилинсин.
2.”1-октябр-Ўқитувчи ва мураббийлар куни”га тайёргарлик кўриш ва уни муносиб равишда ўтказиш бўйича ишчи гуруҳ таркиби 1-иловага, чора-тадбирлар режаси 2-иловага мувофиқ тасдиқлансин.
2.Байрам муносабати билан “Байрамингиз муборак азиз устозлар!” мавзусида турли тадбирлар,давра суҳбатлари,учрашувлар ташкил этилсин.
3. Тадбирга нафақадаги ўқитувчилар ҳам таклиф қилинсин.
4.Байрам муносабати билан ёлғиз кексалар,узоқ йиллар меҳнат қилган Халқ таълими фахрийлари холидан хабар олиш ва байрам муносабати билан совғалар топшириш “Ғамхўрлик гурухи”аъзолари зиммасига юклатилсин.
5.Байрам тадбири ўтадиган жойда аввало ободонлаштириш ва тозалик ишлари олиб борилсин.
6.Ушбу қарорлар ижросини назорат қилиш ММИБДЎ Э.Холмўминов зиммасига юклатилсин.
Йиғилиш котиби: М.Чориева
ҚУМҚЎРҒОН ТУМАНИ 33-ЎРТА ТАЪЛИМ МАКТАБИ
ДИРЕКТОРИНИНГ
Б У Й Р У ҒИ
1-октябр-“Ўқитувчи ва мурабийлар куни”
умумхалқ байрамига тайёргарлик кўриш
ва уни ўтказиш тўғрисида
Б УЮ Р А М А Н:
1.Туман ХТБ 2017 йил - сентябрдаги -сонли буйруғи раҳбарлик ва ижро учун қабул қилинсин.
2.Байрамни ўтказиш бўйича ишчи гурух таркиби 1-иловага,чора-тадбирлар режаси
2-иловага,байрам тадбирлари сценарийси 3-иловага мувофиқ тасдиқлансин.
3.Байрам муносабати билан ободонлаштириш ва тозалик ишлари олиб борилсин.
4.Байрам тадбирига нафақадаги ўқитувчилар,ота-оналар,махалла фаоллари таклиф этилсин.
5.Байрам ўтадиган жойда “Байрамингиз муборак,азиз устозлар!” мавзусидаги шиорлар билан безаш ишлари олиб борилсин.
6.”Ғамхўрлик гурухи”аъзоларига :
-мактаб худудида яшовчи ёлғиз кексалар,байрам тадбирига келолмаган фахрий ўқитувчилар холидан хабар олиш вазифаси юклатилсин.
7.Иш фаолияти давомида ютуқларга эришган,фаол ва кекса ўқитувчилардан бир гуруҳига мактаб маъмурияти номидан ташаккурнома эълон қилинсин.
8.Олиб борилган ишлар бўйича тегишли меъёрий хужжатлари ўз вақтида тайёрлансин ва туман ХТБ га ахборот берилсин.
9.Мусиқа фани ўқитувчилари (Сариев А,Мамашукурова Н)га:
- овоз кучайтиргичлар ва мусиқий асбоб-ускуналар билан таъминлаш;
- байрам тадбирида мусиқа тўгараги аъзолари томонидан мусиқий чиқишлар тайёрлаш вазифаси юклатилсин.
10.Ушбу буйруқнинг ижросини назорат қилишни ўз зиммамда қолдираман.
Мактаб директори: Ф.Жумаев
Do'stlaringiz bilan baham: |
