Умарова М. О чг ва муҳандислик графикаси

3. Параллел проекцияларнинг асосий хоссалари
Агар объект элементлари исталган проекциялаш усули билан текисликка проекцияланса, улар аслига нисбатан маoлум даражада ўзгариб проекцияланади. Лекин, проекцияланаётган обҳектнинг ўзи билан унинг проекциялари орасидаги ўзаро боғлиқлик ҳамда уларнинг асосий геометрик хоссалари сақланиб қолади. Қуйида параллел проекцияларнинг асосий хоссаларини кўриб чиқамиз.
1-хосса. Нуқтанинг текисликдаги проекцияси нуқта бўлади.
2-хосса. Проекциялаш йўналишига параллел бўлмаган тўғри чизиқнинг текисликдаги проекцияси тўғри чизиқ бўлади.
3-хосса. Агар нуқта тўғри чизиққа тегишли бўлса, нуқтанинг проекцияси ҳам тўғри чизиқ проекциясига тегишли бўлади (4-шакл).
4-хосса. Нуқта тўғри чизиқ кесмасини қандай нисбатда бўлса, унинг проекциясини ҳам худди шундай нисбатда бўлади (4-шакл):
С[АВ]
.
5-хосса. Кесишувчи тўғри чизиқларнинг проекциялари ҳам кесишган бўлади. Кесишув нуқтаси ва унинг проекцияси битта боғловчи чизиқда ётади (5-шакл).
4-шакл. 5-шакл.
6-шакл 7-шакл
6-хосса. Параллел тўғри чизиқларнинг проекциялари ҳам ўзаро параллел бўлади. Тўғри чизиқ кесмаларининг нисбати уларнинг проекциялари нисбатига тенгдир (6-шакл):
AB || CD 
7-хосса. Тўғри бурчакли проекцияларда, агар тўғри бурчакнинг битта томони проекциялар текислигига параллел бўлса, ҳамда иккинчи томони ушбу текисликка перпендикуляр бўлмаса, бундай ҳолларда тўғри бурчак шу текисликка ўзгармай проекцияланади (7-шакл).
8-хосса. Текис шакл проекциялар текислигига параллел бўлса, у шу текисликка ўзгармай проекцияланади.