Ulıwma orta bilim beriw mektepleriniń 7-klası ushın sabaqlıq

Ámeliy jumıslar isleymiz!
Jarshı jıldam qurdı bir aynalıp Ernazardıń atın 
daǵazaladı. Óshigip turǵan iranlı ayaqların burınǵıdan 
da salmaqlı kóterip taltańlawı menen, júnles, temir túsli 
bileklerin sıbanıp, appaq tislerin kórsete tislenip Ernazarǵa 
qarsı júris etti. Ernazar onıń teńeyinde júdá nárenjan edi. 
Nurlıbektiń ólgenin kórgenler onnan sirá biydáme. 
Tapsırma 2.1.
1. Abzactıń birinshi gápindegi ráwishtiń sinonimin aytıń.
2. Ekinshi gápindegi dizbekli qospa kelbetlikti jay kelbetlikke aylandırıń.
2-SABAQ

---

55
3
. Úshinshi gáptegi kelbetliktiń sinonimin tabıń.
4. Tórtinshi gáptegi kelbetlik jasawshı qosımtanıń sinonim qosımtasın 
tabıń.
Ernazar iranlınıń Nurlıbek penen
gúresinde tásillerin baqlap otırǵan 
edi, oǵan tutıw bermedi. Ya ayanıshtan ba, ya watanlasına súyispenshilikten 
be, tamashagóyler tolayımı menen Ernazardıń tárepinde. Onıń shaqqanlıq etip 
iranlınıń birneshe tarpawınan aman shıqqanına xannıń dógeregindegiler-ám 
yoshlanıp, Ernazardıń jeńisine tilek tilesti. Hátte, xannıń «bas, Ernazarjan!» degeni 
de esitildi. 
Tapsırma 2.2.
1. Birinshi gápten kómekshi sózdi tabıń, onıń qanday xızmetti atqarıp 
kelgenligin aytıń. 
2. Ekinshi gáptegi dórendi atlıqlardı tawıp, qanday qosımtalar arqalı 
jasalǵanın aytıń.
3. Hámme ne ushın Ernazardıń jeńisine tilekles bolıp turǵanlıǵınıń 
sebebin aytıń. 
Palwanlar teke tiresin qılıp keshke shekem alıstı, jıǵısa almadı. Ímırt 
jabılǵanda xan jarshılardı shaqırtıp, gúres jáne bir kún dawam etetuǵınlıǵın 
daǵazalattı. 
Bul xabardan soń pútkil qala gúres maydanına ıǵılıp, tamashagóyler túni 
menen tarqaspadı. 
Xiywada tap usı aqshamdaǵıday bolıp «qaraqalpaq», «Ernazar» sózleri 
tillerde úzliksiz kóp jańǵırǵan emes. Úlkenniń de, kishiniń de, xiywalınıń da, 
qaraqalpaqtıń da pútkil Xorezm shuqırınan jıynalǵan barlıq tamashagóylerdiń 
tilegi Ernazardıń jeńisi. Sol kúngi tań namazınıń azanına da Ernazardıń atı qosılıp 
aytılǵanday sezildi duyım jurtqa.