Ulıwma orta bilim beriw mektepleriniń 7-klası ushın sabaqlıq

90
V BÓLIM. JAS EKONOMIST
Tapsırma 1.1. 
Súwretlerge qarap, berilgen sorawlarǵa juwap beriń.
1-SABAQ
1-TEMA. MAQSETLI QÁREJETLER
1
1
2
2
3
3
1. Pul adamlarǵa ne ushın kerek?
2. Eger pul bolmaǵanda qaysı háreketler toqtap qaladı dep oylaysız? 
3. Puldı qalay sarplaw kerek? 
4. Súwretlerge qarap nelerdi túsindińiz?
5. Pul sarplaw byudjetimiz ushın bárhama keri tásirin tiygize me? Ne ushın?
6. Puldı maqsetli paydalanıw ne ushın kerek?
7. Házirgi waqıtta siz hám shańaraqtaǵı basqa jaqınlarıńız qanday maqsetli 
qárejetlerdi ámelge asırmaqtasız?
Tapsırma 1.2.
Tekst ústinde isleymiz. 
Qalayınsha pul sarplaw puldı tejewge járdem beredi?
Biz puldı maqsetli paydalanıw arqalı keleshekte onı tejewimizge boladı. 
Eger siz kózińiz unatqan nárseni satıp ala berseńiz, siz tek ǵana satıwshınıń saqıy 
oljasına aylanasız hám kereksiz nárselerdi satıp alıp, olar sizge heshqanday payda 
keltirmeydi. 

---

91
Eger siz puldı aqıl menen sarplasańız, kóp nárseni tejewińiz múmkin. Bárqulla 
ózińizdi sheklew hám arzanıraq tovarlardı tańlaw bir kúni kelip sizge qarsı shıǵıwı 
múmkin. Sonlıqtan ózińizge ǵamxorlıq qılıp ta úyreniń. 
Máselen, siz sport zalına aǵzalıqqa pul sarplap shuǵıllanıp atırsız, kúshli, shıraylı 
hám salamat bolıw ushın jıllar dawamında tınbay shınıǵıw isledińiz. Nátiyjede siz 
tez-tez kesellenbeytuǵın, qımbat dárilerdi satıp almaytuǵın, shıpakerlerge isińiz 
túspeytuǵın jaǵdayǵa eristińiz. Bul arqalı siz birqansha puldı únemledińiz. Demek, 
siz ózińizge de investiciya kiritiwińiz kerek eken. Bul investiciya arqalı keleshektegi 
qárejetlerińiz utımlı paydalanılıwı kerek. Mine, usınıń ózi maqsetli qárejet qılıwdı 
bildiredi.