Miynet qáwipsizligi xızmeti tómendegi funktsiyalardı atqaradı :
1. islep shıǵarıw, jaralanıwı hám kásiplik keselliklerdi jaǵdayı hám sebeplerin analiz etiw, tiyisli xızmetler menen sheriklikte óndiristegi jaraqatlaniwlar, kásiplik keselliklerdiń aldın alıw boyınsha ilájlardı islep shıǵadı hám olardıń atqarılıwı haqqında máslahátlar beredi;
2. kárxana bólimleri jumıs orinlarındaǵı sanitar texnikalıq awhaldi partlawdi ámelge asırıw boyınsha jumıslardi shólkemlestiredi ;
3. kárxananıń tiyisli xızmetleri menen sheriklikte miynet sharayatın, miynet qáwipsizligin jaqsılawdıń kompleks rejesin, dúzedi, kórip shıǵadı sanitariya salamatlšndırıw ilájların islep shıǵadı.
4. saqlaw apparatların hám qáwipli islep shıǵarıw faktorlarınan qorǵaytuǵın basqa quralların konstruktsiyalarin qayta islew hám engiziw boyınsha kárxana administraciyasına usınısların kiritedi;
5. miynet qáwipsizligi boyınsha ilimiy islenbeler hám miynet qáwipsizligi standartların ámelge kirgiziw jumıslarında qatnasadı ;
6. kárxananıń tiyisli xızmetleri menen sheriklikte hám kásiplik awqam aktivleri qatnasıwında imaratlar, úskeneleriniń texnikalıq jaǵdayın tekseredi ( yamasa tekseriwde qatnasadı ), samallatıw sistemaları jumısı nátiyjeliligin sanitar-texnikalıq apparatlar hám sanitar xizmet kórsetiw bólmeleri jaǵdaylarin tekseredi;
7. arnawlı kiyimler, arnawlı úskeneler hám basqa jeke qorǵaniw quralları hám de miynet qáwipsizligi boyınsha ilájlardı ámelge asırıw ushın zárúr materiallar hám úskenelerge óz waqıtında tuwrı buyırtpalar dúzilisin qadaǵalawdi talap etedi;
8. kárxana bólimlerine óndiriste átirap ortalıq jaǵdayın baqlaw boyınsha járdem jumısların shólkemlestiredi ;
9. óndiriske mólsherlengen ob'ektlerdi, úskene hám mashinalardı rekonstruktsiyadan keyin qabıllaw jumıslarında qatnasadı, salamat miynet sharayatın támiyinlew boyınsha talaplardıń atqarılıwın tekseredi;
10. kirisiw jol-jobasin ótkeredi hám ámeldegi normativ hújjetler hám miynet qáwipsizligi máseleleri boyınsha isleytuǵın jumislardi oqıtıwdı shólkemlestiriwge járdem beredi;
11. attestatsiya komissiyası hám miynet qáwipsizligi qaǵıydaları hám normaları texnika qáwipsizligi jol-jobalari boyınsha qánigelerdiń bilimin tekseriw komissiyasında qatnasadı.
Miynet kodeksinde bólimlerde miynet qáwipsizligin támiyinlewdi shólkemlestiriw olardıń basshılarına júkletilgen. Jumıs orinlarinda miynet qáwipsizligi boyınsha ulıwma juwapkershilik kárxana basshısına, ol joq waqtinda bolsa bas injenerge júkletiledi. Kárxana kásiplik awqam quramında miynet qáwipsizligi boyınsha komissiyalar bar bolıp, hár bir kishi toparda miynet qáwipsizligi boyınsha jámiyetlik instruktor saylanadı. Miynet qáwipsizligi boyınsha komissiyalar islep shıǵarıw mádeniyatı hám miynet qáwipsizliginiń awhalin jámiyetlik tártibinde kórip shıǵadı, miynet qáwipsizligi boyınsha administraciya hám kásiplik awqamı ortasındaǵı shártnama proektin tayarlawda qatnasadı, administraciya tárepinen usı shártnaması hám miynet haqqındaǵı nızamshılıqtı qadaǵalaydi. Bólimlerdi jámiyetlik inspektorları miynet qáwipsizligin tikkeley jumıs jaylarında qadaǵalawdi ámelge asıradı.
Do'stlaringiz bilan baham: |