|
Islep shiǵariw kárxanalarin jaylastiriwǵa hám territoriyasin rejelestiriwge qoyilatuǵin talaplar.
Kárxanalarda planlastiriw dawirinde salamatlastiriw hám medicina postlari,hayal-qizlarlar jeke gigienasi ushin bólek xanalar, puwxana, dush, sonday-aq jumis waqtinda dem aliw hám puwxiy sharshawdi kemeytetuǵin xanalardi esapqa aliniwi zárúr. Midicina punktleri QMQ 2.09.04.87 qurilis normalari hám qaǵiydalarǵa tiykarinan, eger kárxanada dizim boyinsha islewshiler sani 50 den 150 adamǵa shekem bolsa, oniń maydani 12 m2 ǵа, eger islewshiler sani 151 den 300 adamǵa shekem bolsa 18 m2 ǵa teń qilip alinadi.
Hayal –qizlar ushin jeke gigiena xanalari, hájetxanalardiń ishinde jaylastiriladi. Ornatilǵan úskeneler sani 75 adamǵa birewden esapqa alinadi. Puwli banyalarda ulken kishkeneligi kárxana kásiplik awqaminiń másláháti menen aniqlanadi. Islep shiǵariw processi qolǵa ótetuǵin titrew menen baylanisli bolsa, kárxanada qol vannalari esapqa alinadi. Olardi islep shiǵariw xanalarinda jaylastiriladi, eger olardan paydalaniwshilar sani 100 adamnan artiq bolsa, qol vannalari juwinatuǵin yaki bólek xanalarda ornatiladi.Vannalar sani 3 adamǵa birewden esapqa alinadi. Olar ushin 1,5 m2 bir vanna ushin dep alinadi. Islep shiǵariw processinde adam ayaqta turip uzaq waqit islese yaki oniń ayaqlari titrewler tásir qilsa, ol halda kárxanada ayaq vannalari(ayaqqa suwli massaj beretuǵin qurilma) ornatiw kózde tutiladi. Olar juwiniw yaki sheshinip kiyinetuǵin xanalarda jaylastiriladi.
Jumis waqtinda dem aliw hám ruwxiy sharshawdi kemeytiw xanalari úy kiyimlerin sheship saqlaytuǵin hám salamatliǵin saqlaytuǵin punktleri xanalarinda jaylastiriladi. Xanalardiń maydanlari tómetdegishe esapqa alinadi.(m2 | adam): puw vanyasi ushin-0,7; ingalyaciya ushin-1,8; fotoriya -1,5; jumis waqtinda dem aliw, ruwxiy sharshawdi kemeytiw hám fizikaliq shiniǵiwlar xanalari -0,9.
Islep shiǵariw xanalarinda uliwma awqatlaniw jerleri esapqa alinadi, olar hámme islewshilerdi uliwma, parxez awqatlar, sonday-aq arnawli imaratlar boyinsha salamatlandiriwshi awqatlar menen támiyinlewge mólsherlengen. Eger kárxanada bir jumis smenasinda 200 den artiq jimisshi islese uliwma awqatlaniw orni, onnan kem jumisshi islese awqat tarqatiw yaki emper xanasi esapqa alinadi. Járdemshi xanalar QMQ-P-92-76 qurilis normalari hám qaǵiyda talarlarina sáykes keliwi kerek. Hámme sanitariya-xizmet kórsetiw xanalari uliwmaliq hám arnawli xanalarǵa bólinedi. Uliwmaliq xanalarǵa tómendegiler kiredi: kiyim sheshinip kiyinetuǵin, hajetxanalar, juwiniw xanalari, dem aliw hám ishimlik suw menen támiyinlew qurilmalari. Arnawli xanalar- bular shegiw xanalari, fotoriya, reshirator, juwiniw, sonday-aq hayal-qizlar jeke gigiena xanalari, kir juwiw xanalari, kiyimlerdi ximiyaliq tazalaw, quritiw, shańnan tazalaw, jaylardan tazalaw hám jumis kiyimlerdi ońlaw jumisshilar sanin esapqa alǵan halda shólkemlestiriledi.
Xizmet kórsetiw xanalari hám qurilmalar ushin sanitariya normalari tómetdegishe: (SM 245-71): xizmet kórsetiw xanalari biyikligi 2,5 m, kiyim almastiriw xanalarindaǵi shkaftiń biyikligi 1,8 m, jabiq shkaflardiń ólshemi 0,25x0,5 m, eki qapili shkaflardiń ólshemi 0,5x0,33x1,8 m, ashiq halda saqlanatuǵin kiyim ilgishtiń biyikligi 1,65 m, ilmekler sani 1 m ge 5 den, orinliqlardiń eni bir orinǵa 0,6 m, juwinatuǵin xanalardiń kran almastiriwshilar sani 25 islewshige hám kranlar 15 islewshige birewden ornatiladi, juwiniw orinlariniń arasindaǵi arliq 0,6 m, dush orinlari 8 islewshige birewden esapqa alinadi, dush xanalariniń ólshemi 0,9 х 0,9 m. Hájetxanalar imaratlari ishinde jumis orninan 75 metrden hám territoriyada imaratdan 150 metrden uzaq bolmaǵan halda jaylastiriladi.Unitazlar sani 15 hayal-qizlar yaki 30 erkekke birewden esaplanǵan halda ornatiladi. Smenada jumisshilardiń sanin esapqa alǵan halda 10 adamǵa (hayal-qizlar hám erkeklerge) bir hájetxana shólkemlestiriwge ruxsat beriledi.
Jumis waqtinda dem aliw xanalari 1 adamǵa 0,2 m2 esabinan alinadi, tek uliwmaliq maydani 18 m2 den kem bolmawi kerek.
Ishimlik suwlardi shólkemlestiriw sanitariya-gigiena tárepinen júdá úlken áhmiyetke iye. Awir miynet sharayatinda suwdi shorlandiriw hám gazlastiriw maqsetke muwapiq bolip esaplanadi. Ishimlik suwiniń temperaturasi 8° dаn tómen hám 20° tan joqari bolmawi kerek. Bir smenada bir islewshige 2 litrden 5 litrge shekem suw sariplaniw muǵari belgilenedi, sonday-aq ol klimatliq sharayatqa hám miynettiń túrine de baylanisli boladi.
Kárxanadaǵi jumis sharayatlari adamniń denesiniń kirlep ketiwine alip kelse, onda, álbette, dushlar shólkemlestirilgen boliwi lazim. Eger smenada 15ten kóp hayal-qizlar islese , olarǵa jeke gigiena xanasi shólkemlestiriledi. Bul xana hayal-qizlar hájetxanasinda jaylasqan bolip, hár bir hayal-qizǵa 0,2 m2 esabinda shólkemlestirilip, uliwma maydani 4 m2 dan kem bolmawi kerek.
Hámme sanitar-xizmet kórsetiw xanalari hár kúni tazalaniwi, juwiliwi, barqulla samallatip turiliwi, waqti-waqti menen dizinfekciya isleniwi zárúr.
Sanitariya hám xizmt kórsetiw xanalarinan basqa maqsette paydalaniw qatti qadaǵan etiledi. Jaylawlarda, jazǵi dem aliw orinlarinda hám padalar saqlaniw orinlarinda jumisshilar qozǵaliwshi sanitar- xizmet kórsetiw vagonlari menen támiyinlenedi.
Do'stlaringiz bilan baham: |
