«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

Ekologiyalıq qáwip dereklerdi ob́ektiv hám sub́ektiv túrlerine ajıratıwǵa boladı: ob́ektiv derekler bul eń dáslep tábiyǵıy ortalıqtaǵı hár qıylı túrdegi t́biyǵıy ráwishte payda bolǵan keskin jaǵdaylar, qaysıları ekosistemada kórinetuǵın, quramalı ózgerislerdi keltirip shıǵarıwshi, olardıń teń salmaqlıǵın búzıwı hám keri aqıbetke alıp keliwi múmkin. Olarǵa ıqlım jaǵdaylarınıń ózgeriwi, azon qatlamınıń jemiriliwi ıssılıqxanalar úlesi hám basqalardı kirgiziwge boladı.

Sub́ektiv derekler - texnogen, áskeriy, sotsial, sotsial-ekonomikalıq hám tábiyǵıy qáwiplerdiń faktorları esabınan formalanadı. Mısalı, texnogen avariya nátiyjesinde qorshaǵan ortalıqtıń radioaktiv yamasa ximiyalıq pataslanıwı, óz náwetinde ekologiyalıq qáwiptiń deregi bolıp xızmet qıladı. Qáwiplik haqqındaǵı hár qanday úyreniwler iskerliktiń potentsial qáwipliligi haqqındaǵı aksioma oraylıq orındı iyeleydi:

Hár qanday iskerlik potentsial qáwipli: hesh bir iskerlik túrinde absalyut qáwipsizlikke erisiw múmkin emes. Bul aksiomadan ámeliyat ushın áhmiyetli bolǵan juwmaq kelip shıǵadı: adamnıń absalyut qáwipsiz iskerliginiń túri bolmaydı. Solay etip ómir qáwipsizliginiń tiykarǵı maqseti – qorshaǵan ortalıqtaǵi qáwipliklerdi tolıq joq etiw emes, bálki olardıń kelip shıǵıw itimalıǵın minimumǵa kemeytiriw.