Ҳужжат матни 234829-(238153)

---

e-qaror.gov.uz
01.04.2022
1
2021 йил «11» октябрь
143-10-0-F/21
Тошкент вилояти ҳокимилиги
Вилоят Ихтисослаштирилган соматика шифохонасига
маблағ ажратиш тўғрисида
Ўзбекистон Республикасининг Бюджет кодекси ва “Маҳаллий давлат
ҳокимияти тўғрисида”ги Қонунининг 6, 25-моддаларига асосан, Ўзбекистон
Республикаси Президентининг 2021 йил 5 майдаги “Соғлиқни сақлаш
тизимида олиб борилаётган ислоҳотларни изчил давом эттириш ва тиббиёт
ходимларининг салоҳиятини ошириш учун зарур шарт-шароитлар яратиш
тўғрисида”ги ПҚ–6221-сон ва 2021 йил 25 майдаги “Соғлиқни сақлаш
соҳасини комплекс ривожлантиришга доир қўшимча чора-тадбирлар
тўғрисида”ги ПҚ–5124-сон қарорига мувофиқ, тиббий хизматлар ҳажмини
ошириш ва сифатини тубдан яхшилаш мақсадида, ҳамда вилоят соғлиқни
сақлаш бошқармасининг 2021 йил 10 сентябрдаги 01/2912-сон хати ҳамда
вилоят ҳокимининг ўринбосари томонидан билдирилган таклифни инобатга
олиб:
1. Вилоят маҳаллий бюджетининг 2021 йил III чорак якуни билан
шаклланган даромадлар режасининг орттириб бажарилган қисми ҳисобидан
вилоят Ихтисослаштирилган соматика шифохонаси ҳудудида жойлашган
вилоят болалар кўп тармоқли тиббиёт марказининг 80 ўринли филиали ҳамда
вилоят кўп тармоқли тиббиёт марказининг консультатив ва диагностика
поликлиникасининг ертўла қувурлари, иситиш тизими ва том қисмларини
куз-қиш мавсумига тайёрлаш мақсадида вилоят Ихтисослаштирилган
соматика шифохонасига 360 000,0 минг (уч юз олтмиш миллион) сўм маблағ
ажратилсин.
2. Вилоят ҳокимлиги молия бош бошқармаси (О.Халикулов)

---

e-qaror.gov.uz
01.04.2022
2
белгиланган тартибда ДМБАТ дастурий мажмуасида маҳаллий бюджет
харажатларига тегишли ўзгартиришлар киритилишини таъминласин.
3. Вилоят ғазначилик бошқармаси (Ш.Алибеков) ажратилган маблағни
белгиланган тартибда ўтказилишини таъминласин.
4. Вилоят Ихтисослаштирилган соматика шифохонаси (М.Кенжаев)
ажратилган маблағни белгиланган тартибда мақсадли ва самарали
сарфланишини таъминласин.
5. Вилоят давлат молиявий назорати бошқармаси (С.Худойбердиев)
ажратилган маблағдан мақсадли фойдаланилиши устидан назорат ўрнатсин.
6. Мазкур фармойишнинг ижросини назорат қилиш вилоят ҳокимининг
биринчи ўринбосари М.Файзиев ва вилоят ҳокими ўринбосари З.Миргазиева
зиммасига юклансин.
Тошкент вилояти ҳокими
Д. Хидоятов