Уйчи туман адлия бўлими томонидан кўрсаткичларни кўтариш мақсадида 2022 йил давомида амалга оширилиши режалаштирилган ишлар ҳақида

Уйчи туман адлия бўлими томонидан кўрсаткичларни кўтариш мақсадида 2022 йил давомида амалга оширилиши режалаштирилган ишлар ҳақида
М А Ъ Л У М О Т


1. Уйчи туманида саноат маҳсулотлари ишлаб чиқаришни янада кенгайтириш, импорт ўрнини босувчи ва экспортбоп маҳсулотларни ишлаб чиқариш, аҳолини доимий меҳнат билан банд қилиш ва туман салоҳиятини юксалтириш мақсадида 4 та кичик саноат зоналари ташкил этилмоқда.
Ёркатай МФЙ ҳудудида ташкил этилаётган “Ёркатай” КСЗ га 108.5 млрд. сўмлик 26 та лойиҳада 796 та янги ишчи ўринлари, Овчибулоқ МФЙ ҳудудида ташкил этилаётган “Овчибулоқ” ёшлар КСЗ га 80.7 млрд. сўмлик 20 та лойихада 509 та янги ишчи ўринлари, Юксалиш МФЙ ҳудудида ташкил этилаётган “Юксалиш ” КСЗ га 369,7 млрд.сўмлик 65 та лойихада 1935 та янги ишчи ўринлари, Янгиер МФЙ ҳудудида ташкил этилаётган “Янгиер” КСЗ га 27,2 млрд.сўмлик 9 та лойиҳада 248 та янги ишчи ўринлари, 4 та КСЗ жами 586,1 млрд. сўмлик 120 та лойихада 3488 та янги иш ўринлари яратилиши кўзда тутилган.
2022 йилги фаолият давомида ушбу КСЗ 120 та лойиха бўйича ташкил этиладиган 120 та тадбиркорлик субъектларига давлат томонидан берилаётган имтиёзларни тўғри қўлланилиши холатларини тахилил қилиш ва йўл қўйилган қонунбузилиш холатларини бартараф қилиш чораларини кўриб, “Адлия тадбиркорга дўст” лойихаси доирасида тадбиркорлик субъектларига амалий ёрдам кўрсатиш.
Шунингдек, ушбу КСЗ да яратилиши кўзда тутилган 3488 янги иш ўрнига банд қилинган ишчи-ходимларни иш хақи ва шу билан боғлиқ бошқа мехнат ҳуқуқларини ҳимоя қилиш.
2. Ҳудудларда ўтказилаётган сайёр қабуллар давомида фуқаролар томонидан уй-жойга нисбатан эгалик ҳуқуқини белгиланмаганлиги холатлари бўйича мурожаатлар бўлмоқда. Бу холатни тахлил қилинганда туманда жами 38885 та якка тартибдаги турар жойлар мавжуд бўлиб, шундан 16781 таси давлат рўйхатидан ўтказилганлиги, 22104 та турар жойга нисбатан эгалик ҳуқуқи белгиланмаганлиги холати аниқланди. ВМ461-сон қарори талаблари асосида туман бўйича атиги 5015 та уй-жойга нисбатан эгалик ҳуқуқи белгиланган.
Таклиф: Ўзбекистон Республикаси ВМ нинг 21.06.2018 йилдаги 461-сонли қарори билан тасдиқланган “Кўчмас мулкка нисбатан мулк ҳуқуқини эътироф этиш бўйича бир марталик умумдавлат акцияси доирасида кўчмас мулкларга нисбатан мулк ҳуқуқини эътироф этиш тартиби тўғрисида”ги Низом каби норматив-ҳуқуқий ҳужжат лойихасини ишлаб чиқиш ва амалиётга жорий қилиш.