«уй-дарахт-одам» расми тести

«Оилавий келишув ўйини»
Тажрибали оилавий жуфтликлар кўп уриниб кўриш ва хато қилиш йўли билан, кўп жанжаллар ва ярашишлар натижасида бир-бири билан келишиш муҳимлигини англашган. Келишув вазияти давлатлар орасида ҳам, эр-хотин муносабатларида ҳам уришга қараганда яхшироқ.
«Келишув» ўйини уч босқичдан иборат.
Биринчи босқичда муҳим муаммо муҳокама қилинади. Муаммони объектив жиҳатдан умумий кўриш муҳим. (Сиз айбдор эмассиз, бизда ана шундай муаммо мавжуд).
Иккинчи босқичда хонанинг икки бурчагига ўтириб қуйидаги мавзулар бўйича 7 ҳолатни ёзиб чиқилади. «Бу муаммони ечиш учун турмуш ўртоғимнинг нима қилишини хоҳлайман». Турмуш ўртоғингизга қўйиладиган талаб иложи борича аниқ бўлиши керак. Бундай ифодалардан қочишга ҳаракат қилинг: «У менга яхшироқ муносабатда бўлишини хоҳлайман», «Муносабатларимиз яхшиланишини хоҳлайман», «Менга кўпроқ эътибор беришини хоҳлайман» ва ҳоказо.
Сизнинг фикрларингиз тахминан қуйидагича бўлиши мумкин: «Ҳар куни эрталаб менга «Ассалому - алайкум» дейишини хоҳлайман», ёки «Менга ёқадиган, сочлари табиий рангда бўлишини хоҳлайман».
Учинчи босқичда ёнма - ён ўтириб 8 ҳолатдан иборат умумий келишувга келинг. Бунда дастлабки тўрттаси эрнинг хотинига талабларини, кейинги тўртта ҳолат аёлнинг эрига бўлган талабларини акс эттиради. Аксинча бўлиши ҳам мумкин. Умумий келишувни хонанинг энг кўринадиган жойига, масалан ошхонада овқатланиш столининг тепасига осиб қўйинг. Бу келишувни тез-тез ўқиб туринг, муҳокама қилинг ва у ҳақда ўйланг.
Бундай келишув ўртача 3-4 ой деворда осиғлиғ туриши мумкин.