Uchun ishlagan

29.Bayon yozishni mashq qilish 
 
1-mashq.Berilgan matn asosida bayon yozing.Reja tuzib olish 
yodingizdan chiqmasin. 
Bo`ri
Bo`ri eng yirtqich hayvondir. Shu bilan birga u juda ziyrak. 
Uxlaganida ham xavfni sezadi. Ochligida duch kelgan narsaga 
hujum qiladi. Bo`ri och qolsa uvillab boshqa bo`rilarni chaqiradi. 
To`planib ovqat axtaradi. Ovqat topilmasa, uy hayvonlariga hujum 
qiladi. Agar bo`rilar urishib qolishsa, o`lgan bo`rini qolganlari 
yeydi.Shuning uchun ham kasal bo`lib qolgan bo`ri boshqalardan 
yashirinib oladi. 
2-mashq.Quyidagi gaplardagi so`zlardan qo`shimchalar olib 
tashlangan.Siz ularni o`z joyiga qo`yishga harakat qiling. 
Aslida, bu shaftoli.. suv.. kamroq qo`yishimiz kerak edi. 
Buxoro.. tarixiy obidalari.. sayohat.. boshqa kun.. qoldirasizlar. 
Bedana.. tuxum.. supermarketlar.. serob bo`lib qolibdi. 
Temir.. elektr payvand uskuna.. yordami.. bir-biri.. ulaymiz. 
Osiyo.. eng issiq o`lkalari bu Arabiston yarim oroli.. 
3-mashq.Rasmga qarab karam haqida bir nechta ta’rif yozing. U 
haqida yana nimalarni bilasiz? 

---

30.Insho yozishga tayyorgarlik 
 
Insho – ma’lum bir mavzu asosida o`z fikrlarini izchil tarzda, so`z 
qo`llashda mahorat bilan, dunyoqarashini ishga solib qog`ozda 
bayon etishdir. 
Bayondan farqi shuki, bunda matn emas,faqatgina mavzu beriladi 
xolos. Ana shu mavzuga bo`lgan shaxsiy fikr-mulohazalaringizni 
yozasiz. 
Inshoning yana bir jihati borki, siz avval qoralama (xomaki)sini 
yozib olasiz.Mabodo, unda xato yoki nuqsonlarni ko`rsangiz, 
to`g`irlashga imkon bor.Yoqmagan joyini boshqa jumlalarga 
almashtirishingiz ham mumkin. Hammasidan ko`ngil to`q 
bo`lgandan keyin esa oq qog`ozga yaxshilab ko`chirib berasiz. 
Inshoga ham reja tuzish lozim bo`ladi.Sodda shaklda 4-5 talik 
reja yetarlidir. 
1-mashq.Hozir biz siz bilan insho uchun berilgan mavzularga 
rejalar tuzishga urinib ko`ramiz. 
Mening jonajon mahallam 
Reja : 1.Men tug`ilgan mahalla bilan tanishuv 
2.Mahallamiz aholisi va ko`chalari 
3.Mahallamiz tabiati 
4.Bizning urf-odatlar 
5.Nima uchun faxrlanaman? 
Endi mana shu reja asosida qoralama daftaringizga insho yozishni 
boshlang. Rejaning har bir qismiga 3-4 qator yozishga harakat 
qiling.Yozib bo`lgach, xatolarini tekshiring. 
Sizga yordam bo`lishi uchun eslatma : 
*Rejaning har bir qismini yozishdan oldin puxta o`ylang, nimalar 
haqida yozishingizni. 
*Bitta so`zni hadeb takror ishlatavermang. 
*Gaplaringiz mazmuni bir-biriga bog`liq va davomli bo`lsin. 
*Tinish belgilariga rioya qiling. 

---