Uchun ishlagan

24.Bayon yozish namunasi 
 
Bayon yozish uchun ustoz avvalo bir kichik matnni o`qib beradi. 
Ana shu matn mazmunini siz o`quvchilar yaxshilab tushunib olib, 
Biroz tayyorgarlikdan so`ng yozma ravishda qaytadan hikoyalab
berishingiz lozim. 
Hozir birgalikda quyidagi bayon yozish namunasi bilan tanishamiz. 
Diloromning buvisi
Rohila xola juda keksayib qolganiga qaramay gazeta va jurnallarni, 
katta kitoblarni ko`zoynaksiz o`qiydi. Goho rang-barang ipaklardan 
nabirasi Diloromga chiroyli do`ppi tikib beradi. Ayrim bolalarning 
buvisiga o`xshab og`zida tishi yo`q emas. Uning hamma tishi butun. 
Shaharni piyoda aylanib chiqsa ham charchamaydi. Diloromning 
oyisi bilan dadasi ishdan qaytguncha, buvisi uyda o`tiradi. Dilorom 
bilan mazali ovqat tayyorlaydi, issiq non yopadi, kitob o`qiydi. 
Diloromga ajoyib ertaklar aytib beradi. Dilorom ham aqlli qiz. 
Namuna:
Diloromning buvisi 

Reja: 
1.Diloromning buvisi bilan tanishuv

2.Buvining boshqa keksalardan farqi
3.Dilorom buvisi bilan vaqtni qanday o`tkazadi?
Diloromning keksa buvisi bor.Ismi – Rohila xola.U Diloromlar bilan 
birga yashaydi.
Buvi o`zi qarib qolgan bo`lsa ham, ko`zlari juda 
o`tkir.Gazeta va jurnallarni bemalol o`qiyveradi.Unga 
ko`zoynakning ham keragi yo`q.Hatto, turli xil ipaklardan nevarasi 
uchun do`ppilar tikib beradi.Boshqa buvilarga o`xshab tishlari ham 
to`kilmagan.Rohila buvining barcha tishlari butun.U charchash 
nimaligini bilmaydi.Shaharda ham piyoda aylanib yuradi.
Diloromning ota-onasi ishdan qaytgunlaricha buvi bilan nevara 
qiziq kitoblar o`qiydi,birgalikda mazali ovqatlar tayyorlaydi, issiq 
non yopadi.Dilorom doim buvisidan qiziqarli ertaklar aytib berishini 
so`raydi.Dilorom o`zi odobli va juda aqlli qiz. 
1-mashq.Namunadan o`rganib,siz ham “Diloromning buvisi” 
mavzusida bayon yozing.O`zgartirishlar kiritsangiz ham mayli. 

---