Uchinchi kitob

Shahrisabz shahrida Amir Temur haykalining ochilish marosimida so ‘zlangan nutq, 1996-yil 18-oktabr
Adolat va qudrat timsoli
Sohibqiron Amir Temuming 660 yillik tavallud to‘yi mamlaka­timizda zo‘r shod-u xurramlik bilan davom etmoqda. 1996-yil 18- oktabr kuni Samarqand va Shahrisabz shaharlarida ulug‘ bobomiz­ning muhtasham haykallari qad rostladi. Bundan uch yil muqaddam go‘zal Toshkent markazida hazrati Temuming ulug‘vor suvoriy hay- kali o‘matilgan edi.
Endilikda bir-biri bilan uzviy bog‘liq uch muazzam badiiy obida shavkatli ajdodimizning adolat va qudrat ramzi bo‘lgan benazir siy- mosini yaxlit holda tasawur etish imkonini beradi.
Samarqand va Shahrisabzdagi tantanalar chog‘ida Sohibqiron timsolini mujassam etgan haykallar marosimga yig‘ilgan jamoat, uzoq-yaqin mamlakatlardan kelgan mehmonlaming hayrat va haya- joniga sabab bo‘ldi. 0‘zbekiston Milliy axborot agentligining mux- biri Prezident Islom Karimovdan Amir Temur obrazining mazkur badiiy talqinlari haqidagi taassurotlarini so‘radi. Yurtboshimiz mux- biming savoliga ko‘tarinki kayfiyat bilan javob berib, jumladan bun­day dedi:

• 
  Awalo, bu haykallarga Amir Temuming salobatli va ulug‘vor qiyofasi munosib tarzda yaratilgan, deb aytsak, mubolag‘a bo‘lmaydi. Shaxsan men Sohibqiron bobomizning siymosiga boqar ekanman, vu- judimni ichki bir hayajon chulg‘aydi. Diqqat bilan qarasangiz, hazrati Temuming nuroniy, shijoatli qiyofasida u zotning bu dunyoga kelib qilgan ishlaridan, kezgan yo‘llaridan, suronli o‘tgan umridan, tuzgan beqiyos davlatidan mamnunlik ifodasini uqish mumkin.
  

Haqiqatan ham, Samarqanddagi yodgorlikda Amir Temur bu­yuk saltanat taxtida sultonlar sultoniga mos viqor va salobat bilan o‘tiribdi. Sohibqironning qaddi-qomati ham, savlati, chehrasi ham uning toza nasl-nasabidan, tangri yorlaqagan ulug‘ zot ekanidan da- lolat beradi.
Amir Temur haykallarida e’tiborga molik yana bir ma’no o‘z ifodasini topgan. Sohibqironning shafqat va ayni paytda qat’iyat bilan boquvchi nigohi uning bepoyon saltanatini qamrab olgan- dek, bu ulkan hududdagi barcha xalqlar va elatlaming ahvol- ruhiyasidan ogoh bo‘lib turgandek taassurot qoldiradi. Go‘yoki bobokalonimiz: «Men bor ekanman, mening ruhim barha- yot ekan, el-ulusda omonlik va farovonlik mudom barqaror bo‘lg‘ay, menkim Amir Temur - tinchlik va osoyishtalik kafili- man», deb turgandek.
Mening nazarimda, Sohibqironning bu haykallari nafaqat ba­diiy, balki katta ma’naviy-tarbiyaviy ahamiyatga ega. Amir Temur bobomizning bemisl shijoat, azm-u qaror va o‘ktamlik fazilatlari namoyon bo‘lgan qiyofasi yoshlarimizni, kelajak avlodimizni buyuk marralarga, ezgu, savobli ishlarga mhlantirishi va safarbar etishiga ishonaman.
Bu go‘zal va ulug‘vor obidalami ziyorat qilganda go‘yoki So­hibqironning dil sadosi yuraklarimizda aks-sado berayotgandek tu- yiladi. «Avlodlarim, unutmang: bizning nomimizni toptashga urin- ganlar, bizning millatimizni, xalqimizni kamsitmoqchi bo‘lganlar bugun zavol topdilar, aksincha, kimki, bizning sha’n-u shavkatimiz- ni, haq va xalq yo‘lida qilgan xizmatlarimizni yod etgan bo‘lsa, ularga Allohning marhamati va zafarlar yor bo‘ldi va hamisha yor bo‘lg‘usidir. Zero, bizning yo‘limiz - adolat va ozodlik yo‘lidir, di- yonat va haqiqat - bizning dasturimizdir».
Bu so‘zlar, har birimizni Sohibqironga munosib zurriyodlar bo‘lishga da’vat etadi.
Chindan ham, Amir Temuming yurtimizda mag‘rur qad rost- lab turgan ulug‘vor haykallari, xalqimizning asriy orzulari, pok va muqaddas niyatlari ushalganidan, duoi fotihalari ijobat bo‘lganidan yana bir dalolat beradi.

1996.