Uchib keladigan qushlar

Kompetentlikni shakllantiruvchi maqsad: o‘quvchilarda umumiy va fanga oid kompetensiyalarni rivojlantirish:
Umumiy kompetensiyalar:

• 
  Kommunikativ kompetensiya
  
• 
  Axborot bilan ishlash kompetensiyasi
  
• 
  Shaxs sifatida o‘zini o‘zi shakllantiruvchi kompetensiya
  
• 
  Ijtimoiy faol fuqarolik kompetensiyasi
  
• 
  Umummadaniy kompetensiya
  
• 
  Savodxonlik va fan-texnika taraqqiyoti yangiliklaridan xabardor bo‘lish hamda foydalanish kompetensiyasi
  

Rivojlantiruvchi: ijodiy izlanish, bunyodkorlikni rivojlantirish.F.k.1Bahorgi mehnat, dalalarda ekin ekish ishlarini kuzatadi va tushunadi.
Darsning turi. Suhbat.
Darsning jihozlanishi. Qushlarning rangli rasmlari.
Darsning borishi.
Tashkiliy qism.
O'tilgan mavzuni takrorlash.
Yangi mavzuni bayon etish. Darsni suhbat asosida o'tkazish tavsiya etiladi, savol-javob darsning samaradorligini oshiradi, muammoli vaziyatlar uyushtirish, o'quvchilarni bahs-munozaraga jalb etish ularning eslab qolish qobiliyatini mustahkamlaydi. Bolalar qushlar haqida bilgan narsalarini ko'proq ifodalashga harakat qiladilar. Bilmagan narsalarini, yangi ma'lumotlarni ish daftarlariga yozib oladilar.
Dars davomida quyidagi savollarga javob olish mumkin:
1. Siz o'rtog'ingizni qushlarga tosh otganini ko'rib qoldingiz. Bunday holatda nima qilgan bo'lardingiz?
2. Qush bolasi uyasidan tushib ketsa, siz nima qilgan bo'lardingiz?
Bahor kelishi bilan kunlar isiy boshlaydi. Issiqsevar qushlar endi bizning o'lkamizga uchib keladi. Ular to qish boshlanguncha tevarak-atrofimizda yashab, kun kechirishadi. Har xil zararli hasharotlarni yeb, dehqonlarga katta yordam beradi. Ular chiroyli ko'rinishi, yoqimli ovozi bilan dillarimizni xushnud etadi.Qushlarni nima uchun himoya qilamiz? Nima uchun qanotli do'stlar deb ataymiz? Dars davomida o'qituvchi ana shu savollarga to'liq javob berib o'tishi maqsadga muvofiq bo'ladi.O'quvchilarning qushlar haqidagi tasavvurlarini boyitishda, ularga nisbatan mehr uyg'otishda qushlarning tabiatdagi o'rnini tushuntirish katta ahamiyatga ega.Bulbulni sevamiz, uni tutib olib, uyimizda miqlasak, yoqimli ovozini har kuni eshitsak doymiz. Xuddi shunday qildik ham deylik. Bu ishimiz bilan biz bulbulga nisbatan qanday ish tutgan bo'lamiz? Uni himoya qilgan bo'lamizmi yoki unga ozor bergan, qafasda yashashga majburlagan bo'lamizmi?