Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

Sóz dizbegi
Sóz dizbegi eń kemi eki yamasa bir neshe mánili sózlerdiń grammatikalıq baylanısınan dúziledi. Sóz dizbeginiń quramındaǵı sózlerdiń birewi (dáslepki) baǵınıńqı, ekinshisi baǵındırıwshı (bas) sóz bolıp qurıladı. Baǵınıńqı sóz bas sóz benen mánilik baylanısqa túsedi.
Sóz dizbegi óz aldına sintaksislik birlik dep qaralǵan menen, kóbinese gáp ishinde qollanıladı. Mısalı: Awıldıń sulıw kórinisi meni uzaqtan ózine tarttı degen gáptegi sózler tómendegi sóz dizbeklerine tallanadı:
1) awıldıń
2) sulıw kórinisi
3) meni tarttı
4) ózine tarttı
5) uzaqtan tarttı sıyaqlı bes sóz dizbegine bólingen.
Eki yamasa bir neshe tolıq mánili sózlerdiń mánilik hám grammatikalıq baylanısınan dúzilgen sózlerdiń dizbegine sóz dizbegi delinedi.
Sóz dizbegi tómendegi belgilerge iye boladı: 1) eń kemi tolıq mánili eki sózdiń dizbeginen dúziledi; 2) óz – ara grammatikalıq qurallar arqalı baylanısıp, biri – ekinshisine ǵárezli baǵına baylanısadı; 3) óz – ara sintaksislik mánisi jaǵınan anıqlawıshlıq, zatlıq (obektlik) pısıqlawıshlıq qatnaslardı bildiredi.
Sóz dizbegi jasawǵa tiykar bolatuǵın sózdi bas sóz, al bas sózdiń mánisin túsindirip, keńeytip keletuǵın sózge baǵınıńqı sóz delinedi.
28.4. Berilgen sózlerdiń baylanısına qaray sóz dizbegin jazıń.

instituttıń	barıw
oqıwǵa	jazıw
maqalanı	ayttı
shıǵarma	jeri
kitap	oqıw
jumıstı	orınlaw
telefon arqalı	sóylesiw
silpilep	jawdı
sóylep	oqıw
qosıq	berdi