Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

27.6. Berilgen eliklewish sózlerge gáp qurań.

27.7. Sorawlarǵa juwap beriń.
1) Ne ushın seske eliklewish deymiz?
2) Ne ushın kóriniske eliklewish deymiz?
3) Qaraqalpaq tilindegi eliklewish sózler menen ózińizdiń ana tilińizdegi eliklewishlerdiń qanday ózgesheligi bar?
27.8. Tapsırma.
Tábiyatqa baylanıslı ózlerińizge unaǵan temada sáwbetlesiw júrgiziń.
Úlgi: a) Ózbekstan tábiyatı.
b) Ekologiyalıq mashqala.
v) Aral – dúnya júzi mashqalası.
g) Haywanatlar dúnyası.
d) Palız-miyweler haqqında.
Terminlerdi salıstırıń

Qaraqalpaqsha	Ózbekshe	Inglisshe
eliklewish sózler	taqlid so’zlar	imitative words
tańlaq sózler		interjections
seske eliklewish	tovushga taqlid	onomatopoetic words

28. Qaraqalpaqstannıń haywanat hám ósimlikler dúnyası
Sintaksis
Sóz dizbegi. Jay gáp hám onıń mánisi boyınsha túrleri
28.1. Berilgen tekstti oqıń. Astı sızılǵan sózlerge sorawlar qoyıń.
Qaraqalpaqstannıń dárilik ósimlikleri haqqında
Qaraqalpaqstan aymaǵında tarqalǵan jabayı (tábiyǵıy) dárilik ósimlikleri alımlardan S. E. Erejepov (1971), A. Baxiev, K. N. Butov, S. Dáwletmuratov (1983), S. Davletmuratov (1991) hám t.b. tárepinen úyrenilgen. Biraq házirge shekem Qaraqalpaqstan aymaǵında jabayı jaǵdayda ósetuǵın dárilik ósimliklerdiń tolıq dizimi joq.
Usılardı esapqa alıp biz 2009 – 2016 – jıllarda bir qatar ilimiy ekspeditsiyalarımızdıń juwmaǵı boyınsha ÓzRIA Ósimlik hám haywanat álemi genofondı institutında hám Ózbekstan Respublikası ilimler Akademiyası Qaraqalpaqstan bólimi Qaraqalpaq tábiyat ilimleri ilim – izertlew institutlarında saqlanıp turǵan gerbariy materiallarınan, ilimiy ádebiyatlardan paydalanıp Qaraqalpaqstan Respublikası aymaǵında jabayı dárilik ósimliklerdiń floristik, sistematik tolıq dizimi dúzildi. Olar házirgi waqıtta 63 tuqımlasqa kiretuǵın, 240 tuwısqa tiyisli 444 túrdi quradı.
Qımbat bahalı (biybaha) hám házirgi kúnde Qaraqalpaqstan aymaǵında eksportqa shıǵıp turǵan dárilik ósimlik bul – boyan ósimligi.