Учебно-методического комплекса

Хавф – инсон ҳаёти ва саломатлигига таҳдид солувчи жараён, ҳодиса.
Сел – тоғ дарёлари ўзанларида тўсатдан юзага келувчи сув, тоғ жинслари бўлаклари аралашмасидан иборат лойқа ёки лой – тошли оқим.
Офат- катта миқёсдаги табиат ва инсон фаолияти натижасида келиб чиқадиган вайронагарчилик, унинг оқибатида инсон ҳаёти ва соғлиғига зарар
Зилзила - ер юзасининг тебраниши ва титраши.
Ер кўчиши – ер юзаси бўлагининг ёнбағир бўйича гравитацион куч таъсирида сурилиши ёки силжиши.
Сел ўчоғи - сел вужудга келадиган ёки содир бўлиш эҳтимоли юқори бўлган жойлар .
Гляциал сел – музлик ва қорларининг тез эриши натижасида содир бўлади.
Жалали сел – кўп миқдорда ёмғир ёғиши натижасида пайдо бўлади.
Тошқин – дарёлар, сойлар, денгизлар, кўлларда сув сатҳининг кескин кўтарилиши оқибатида юзага келиб, ер юзасининг катта майдонларини вақтинча сув босиши.
Қор кўчкиси - оғирлик кучи остида тоғ ёнбағирларида ҳаракатга келган ва сурилаётган катта ҳажмдаги қор массасининг ўпирилиши.
Биринчи тиббий ёрдам - шикастланишларда, бахтсиз ҳодисаларда, заҳарланишларда ва кутилмаган касалликларда жабрланувчининг ҳаёти ва саломатлигини сақлашга қаратилган шошилинч чора- тадбирлар мажмуаси.
Гидротехник (гидродинамик) фалокат – бу гидротехник иншоотнинг ёки унинг бирор қисмини ишдан чиқиб бузилиши натижасида бошқариб бўлмайдиган жуда катта сув массасини бостириб келиши туфайли вужудга келадиган фавқулодда вазият.
Гидродинамик хавфли объектлар – бу сув оқими бўйлаб ўзидан олдинги ва ўзидан кейинги сув сатҳларида фарқ пайдо қилиб берадиган иншоот.
Ёнғин – назорат қилиб бўлмайдиган ҳодиса бўлиб, бебаҳо моддий ва маданий бойликларни бир дақиқада йўққилувчи офат, айниқса у фуқароларнинг жонига кулфат келтирувчи фавқулодда вазият.
Портлаш – бу қисқа вақтнинг ўзида чегараланган ҳажмдаги, катта миқдор-даги қувватнинг ажралиб чиқиши.
Радиацион хавфли объектлар – халқ хўжалиги фаолиятида қўлланиладиган ионлантирувчи нурлантириш манбалари.