Учебно-методический комплекс по "Энтомологии" подгатовлен на основе современной педтехнологии. Настоящий комплекс подготовлен на основании действующей

Stafilinoidsimonlar 
(Staphylinoidae)
bosh oilasi. 
Ko‘pchilik tur qo‘ng‘izlarda 
ustqanotlari qorincha oxiriga yetib bormaydi. Orqa qanotlari stafilinoid tipida 
tomirlangan. Lichinkalari chuvalchangsimon. Ko‘pchiligi yirtqich, o‘zidan kichik 
hasharotlar va kanalarga hujum qiladi. Yetuk individlari va lichinkalari turli chiqindi 
va go‘nglar oralig‘ida, toshlar ostida uchraydi. Bularga bir nechta oilalar kiradi (55-
rasm).
O‘likxo‘rlar 
(Silphidae)
oilasi
vakillarining ustqanotlari rivojlangan, 
mo‘ylovlari to‘g‘nag‘ichsimon yoki uchi kengaygan. Yetuk individlari va lichinkalari 
umurtqali va umurtqasiz hayvonlarning o‘liklari bilan oziqlanadi hamda ularga 
tuxumini qo‘yadi. Ba’zilari go‘nglarda, o‘simlik qoldiqlarida bo‘ladi, yirtqich turlari 

---

187 
ham uchraydi.
Patqanotlilar 
(Ptiliidae
) oilasi
vakillari juda mayda (tana uzunligi 0,25-2 mm 
gacha), orqa qanotlari ingichka, uzun tuklar bilan hoshiyalangan va ustqanotlari 
ostida chiqib turadi. Quruq go‘ngda, o‘simlik qoldiqlari ostida, hasharotlar inlarida 
uchraydi. Ba’zan to‘da bo‘lib yashaydi.
55-rasm. Qattiq qanotlilar turkumining vakillari: 
1-don vizillog‘i; 2-stafilin;
3-iyun xrushi; 4-don qo‘ng‘izi; 5-qora qayin uzun mo‘ylovdori; 6-koloroda qo‘ng‘izi; 7-qizil 
qanotli qayrag‘och bargxo‘ri; 8-no‘xot qo‘ng‘izi.
Yaproqchasimonlar 
(Scarabaeoidea)
bosh oilasi
vakillari mo‘ylovlari 
yaproqchasimon, yelpig‘ichsimon yoki to‘g‘nag‘ichsimon shaklda. Bularga yirik, 
qisman juda yirik qo‘ng‘izlar kiradi. Lichinkalari yirik, yo‘g‘on «C» harfi shaklda 
egilgan, uch juft oyoqli, tuproqda, go‘ng yoki o‘simlik chirindilarida uchraydi. 
Bularga bir nechta oilalar kiradi.