Тузувчидан Ушбу "Электр схемаларни ўқиш"

Бошланғич ҳолатида
(S ўчиргичи уланмасдан аввал) бошқариш 
занжирларига манба келмайди ва шу сабабли КМ1 электромагнит 
контактор ва КТ1 – КТ3 вақт релелари ўчирилган ҳолатида турибти. S 
ўчиргичи уланиши билан бошқариш занжирларига манба берилади. 
Шунда 2- занжирдаги КМ1 контакторининг уланган КМ1 : 2 
контактлари орқали КТ1 вақт релеси ғалтаги орқали ток оқиб, уни ишга 
туширади. КТ1 вақт релесининг КТ1 : 1 контаклари уланади(3-занжир), 
КТ1 : 2 контактлари узилади (5-занжир). 
КТ1 вақт релеси ишга тушиши билан КТ2 вақт релеси
ғалтагининг манба занжири уланиб уни ишга туширади. Шунда унинг 
КТ2 : 1 контактлари уланади (4-занжир), КТ2 : 2 контактлари узилади
(6-занжир). КТ2 вақт релеси ишга тушиши билан КТ3 вақт реле ғалтагига 
манба берилиб, уни ишга туширади ва 7-занжирдаги КТ3 : 1 
контактларини узиб қўяди. 
Натижада, S ўчиргичи уланиши билан бошқариш занжири М электр 
моторини ишга туширишга тайёр ҳолатига келади: КТ1 – КТ3 вақт 
релелари уланган ҳолатида, уларнинг КТ1 : 1 , КТ2 : 1 контактлари 
уланган, КТ1 :2, КТ2:2, ва КТ3:1 контактлари – узилган. 

М электр моторини ишга тушириш
учун SB2 кнопкаси босилади. 
Шунда 1-занжирдаги КМ1 электромагнит контактори ишга тушади: 
унинг асосий қувват контактлари электр моторнинг статорини уч 
фазали тармоқ манбасига улайди, ёрдамчи КМ1:1 контактлари SB2 
кнопкани шунтлайди, КМ1:3 контактлари 5-7-занжирларни манбага 
улайди. Шу билан бир вақтда 2-занжирдаги КМ1:2 контактлари узилиб, 
электр мотор айланиш тезлигини ошириб нормал ҳолатигача олиб 
чиқиш жараёни автоматик равишда амалга ошади. 
КТ1 вақт релеси ғалтагининг занжири КМ1 электромагнит 
контакторининг КМ1:2 контактлари билан узилгани сабабли ўрнатилган 
вақт давомида бошланғич ҳолатига қайтиб келади ва шунда КТ1:2 
контактини (5-занжир) улайди, КТ1:1 контактларини (3-занжир) узади. 
Шунда 5-занжирдаги КМ2 контакторнинг ғалтаги манбага уланиб, 
контактор ишга тушади. Унинг контактлари электр мотор ротори 
занжирига уланган резистор қаршилигини камайтиради, моторнинг 
айланиш тезлиги ортади. 
КТ2 вақт релеси ғалтагининг манбасини 3-занжирдаги КТ1:1 
контактлар узиб қўйиши билан КТ2 вақт релеси ўрнатилган маълум вақт 
давомида бошланғич ҳолатига қайтиб келади. Шунда унинг КТ2:2 
контактлари уланади (6-занжир), КТ2:1 контактлари (4-занжир) узилади. 
Натижада КМ3 контактори ишга тушиб, контктлари билан ротор 
занжиридаги резистор қаршилигини янада камайтиради. Бу мотор 
тезлигини янада ортишига олиб келади. 
КТ3 вақт релеси ғалтаги занжиридаги (4-занжир) КТ2:1 контактлар 
узилиши билан КТ3 релеси ўрнатилган вақт давомида бошланғич ҳолатига 
қайтиб келади. Шунда унинг КТ3:1 контактлари КМ4 контактори манба 
занжирини улайди ва унинг контактлари ротор занжирини тўлиқ қисқа 

---

55 
туташтиради, моторнинг айланиш тезлиги ортиб, номинал қийматигача 
чиқади. КМ4 контакторининг КМ4:1 контактлари 5 ва 6-занжирлардаги 
КМ2 ва КМ3 контакторларининг манбасини узиб қўяди ва улар бошланғич 
ҳолатига қайтади. 
Шу билан М электр моторининг ишга тушириш жараёни якунланади. 
Фақат КМ1 электромагнит контактор билан КМ4 контактори уланган 
ҳолатида қолади. КК иссиқлик релеси ишга тушиб қолганда ҳамда SВ1 
ўчиргичи ўчирилганда мотор ишдан тўхтайди. Шунда КМ1 электромагнит 
контакторининг 1-занжирдаги ғалтаги манбадан узилиб, унинг КМ1:3 
ёрдамчи контактлари узилади – КМ4 контактор манбаси узилади ва 
натижада бошқариш схемаси тўлиқ бошланғич ҳолатига қайтади.