Тузувчи-муаллиф: Н. Н. Жамилова

Кўргазмали методга оид усуллар
Болаларни харакатларга ўргатишда кўргазмалиликнинг турли усулларидан фойдаланилади. Яккол кўриш усуллари харакат ёки айрим харакат элементларининг тарбиячи томонидан тўгри ва аник намойиш этилишидан; теварак-атрофдаги хаёт кўринишларига таклид килишдан; масофани тўгри босиб ўтишда мўлжал олишдан фойдаланиш; кўргазмали кўлланмалар, телеэшиттиришлар, фотографиялар, суратлар… фойдаланишдан иборатдир.
Тактил – мушак кўргазмалилиги болаларнинг харакат фаолиятига жисмоний тарбия кўлланмаларини киритиш билан таъминланади. Масалан: тиззани баланд кўтариб югуриш кўникмасини хосил килиш максадида кетма-кет кўйилган ёй шаклидаги дарвозачалар кўлланилади.
Югуриш пайтида оёкни бу тўсиклар оша кўтариб ўтиш боланинг тиззани баланд кўтариш кўникмасини эгаллашига ёрдам беради.
Яккол эшитиш усуллари харакатларни овоз оркали бошкаришга асосланади. Чолгу мусикаси ва ашула энг яхши эшитиш кўргазмаси хисобланади. Улар болаларда эстетик хис ва эмоцияонал кўтаринкилик уйготади, харакат характерини белгилайди, унинг суръати ва ритмини бошкаради. Шунингдек тарбиячилар харакат суръати ва ритмини башкаришда чилдирма (бубен) дан фойдаланадилар.
Кўргазмалилик усуллари боланинг харакатларни тўгри идрок килиши ва тасаввур этиши, хиссий онгининг кенгайишига харакатларни бажаришда ўз-ўзини назорат килишнинг вужудга келишига суръати ва ритмини эшитиш оркали бошкаришга, сенсор кобилиятининг ривожланишига хизмат килади.

ОГЗАКИ МЕТОДГА ОИД УСУЛЛАР
Харакатларга ўргатишдаги огзаки усуллар куйидагиларда ифодаланади:

• 
  Баён этиш ва тушунтириш – бунда болаларга улардаги мавжуд хаётий тажриба тасаввурга таянган холда янги харакатларни аник, киска бир вактда тушунтирилади.
  
• 
  Шархлаш усули – харакатларни аник кўрсатиш ёки унинг айрим элементларини аниклаш асосидаги шархлаш.
  
• 
  Кўрсатма бериш усули – тарбиячи томонидан кўрсатилган харакатларни кайта бажаришда ёки машкларни болалар мустакил бажаришларида зарур бўладиган кўрсатмалар.
  
• 
  Сухбат усули – янги жисмоний машклар ва харакатли ўйинларни жорий килиш ва харакатларни ўргатишда уларни тушунтириш, харакатли ўйин сюжетини аниклаштириш талаб этилганда олдиндан ўтказиладиган сухбатлар.
  
• 
  Савол бериш усули – тарбиячи жисмоний машкларнинг бажарилишидан олдин харакатларни бажариш изчиллигини англаш даражасини аниклаш ёки мазмунли харакатли ўйинлар хакидаги тасаввурнинг бор йўклигини текшириш, коидаларни, ўйин харакатларини аниклаштириш максадида болаларга саволлар беради.
  
• 
  Фармойиш ва сингаллар бериш усули. Масалан, «Тўхтанг! Бир, икки, уч югуринглар», «Сакраб оёкларни елка кенглигида очиб туринг!» Бу буйруклар болаларнинг жавоб харакат реакциясини тезлиги ва аниклигини вужудга келтирадиган турли интонация ва динамикани талаб килади. Булар каторига баланд овозда дона-дона килиб санаш ва ўйин бошланмаларини ифодали талаффуз этишни хам киритиш мумкин.
  
• 
  Ифодали мазмунли хикоя усули. У харакатлардаги ифодалиликни ривожлантириш ва ўйин образига яхширок кириш максадида кўлланилади. Мазмунли хикоя эртакни киска хикоя килишга ўхшайди (1,5 – 2 минут) вакт давом этади. Бунда тарбиячи ўйин мазмуни ва коидаларини киска образли хикояда очиб беради. Масалан: «Бор эканда йўк экан, чиройли кайрилма шохли ва беозор кулранг ок она эчки бор экан. Унинг болачалари бор экан…»
  

Болаларни ўргатишда кўргазмали ва огзаки усулларнинг максадга мувофик кўшиб олиб борилиши, уларнинг ўзаро богликлиги, харакатларни идрок этиш ва кайта бажаришнинг аниклигига ва образлилигини ва болалар бажарадиган харакатли топшириклар, улар мазмуни ва хар бир харакат фаолиятининг барча элементлари изчиллигини онгли тушунилишини таъминлайди.