Тузувчи : Файзуллаева Н

Davlat xarajatlarining makroiqtisodiy oqibatlari

Davlat xarajatlari ham yalpi taklifga, ham yalpi talabga ta’sir qiladi. Moddiy aktivlar shaklidagi kapitalga va inson kapitaliga samarali davlat investitsiyalari investitsiyalardan qaytimni oshiradi, xususiy investitsiyalar oqib kelishiga va iqtisodiy o‘sishga yordam beradi. Bu taklifga tez ta’sir qiladi, infratuzilmaning qator muammolarini bartaraf qilishga yordam beradi. Lekin ta’lim kabi sohalardagi davlat kapital qo‘yilmalaridan uzoq muddatli kelajakdagina qaytim to‘liq hajmda keladi. SHu vaqtning o‘zida davlat sektori xususiy sektr bilan chegaralangan resurslar omili uchun va davlat xarajatlari, xususiy xarajatlar, shu jumladan, xususiy investitsiyalar raqobatlashadi. O‘tish iqtisodiyoti sharoitidagi mamlakatlarda xarajatlarni soliq yoki kreditlar hisobidan moliyalashning imkoniyatlari cheklangandir. Ular na tashkiliy tuzilmaga, na rivojlangan ichki kapital bazorlariga ega, Markaziy bank kreditlari esa inflyasion oqibatlar sababli ancha qimmatga tushadi.