Tushunchalar tahlili 12-mavzu Guruh

Negativizm-bu individning har qanday sharoitda ham guruh fikriga qarshi turushi va o’zicha mustaqil fikr, mavqeini namoyon qilishidir.
Norasmiy guruh-psixologik motivatsiyaning yagona yo’nalishi asosida simpatiya, qarashlarning yaqinligi, e’tiqod asosida vujudga keladi.
Rasmiy guruh-rasmiy hujjatlar asosida to’plangan guruh (ustav, shtat), ishlab chiqarishdagi ta’minot bo’limi, oily o’quv yurtidagi talabalar ish yuzasidan rasmiy guruhlardir.
Referent guruh(etalon guruh)-bu real yoki hayolan mavjud bo’lgan guruh bo’lib, uning qarashlari, qonun-qoidalari namuna bo’lib hisoblanadi.Guruh normalarini tan oluvchi ularni eng yaxshi deb hisoblovchi va ularga qo’shiluvchi shaxs shu guruhga kirishi mumkin.
Tashqi konformlilik-individ guruh fikriga nomigagina qo’shiladi,aslida ruhan u guruhga qarshi turadi.
Birlamchi guruhda-shaxslararo o’zaro ta’sir «yuzma-yuz, bevosita» ro’y beradi. Masalan, oila davrasidagi, sinfdagi, hisobchilar xonasida o’tirganlar birlamchi guruhga misoldir.


Guruh — ma’lum ijtimoiy faoliyat maqsadlari asosida to’plangan, muloqot ehtiyojlari qondiriladigan insonlar uyushmasidir.


Ikkilamchi guruhlarda - har doim ham odamlarning bevosita muloqotda bo’lish imkoniyatlari bo’lmaydi. Ular o’rtasidagi munosabat va o’zaro ta’sir bilvosita bo’ladi.


Negativ guruhlar-shundayki, shaxs ularning xatti-harakatlaridan ataylab voz kechadi, chunki ular shaxsiy qarashlardan mutloq farq qiladi.


Normativ guruhlar -bu shaxs uchun shunday insonlar guruhiki, ularning normalarini u ma’qullaydi, ularga amal qilishga hamisha tayyor bo’ladi.


Psixologik moslik-guruh a’zolari sifatlari va qarashlarining aynanligi emas, balki ular ayrim sifatlarining mos kelishi, qolganlarining kerak bo’lsa, tafovut qilishi nazarda tutiladi.