Tushunchalar tahlili 12-mavzu Guruh

Vaziyatga bog’liqligi nazariyasi-bu yerdagi asosiy g’oya-lider vaziyatning mahsuli degan g’oyadir.
Ijtimoiy jabha-bu boshqaruvda asosan ma’murchilik yo’lini nazarda tutadi. Rahbar faqat ma’muriyat a’zosi, uning yetakchisi sifatida idrok etiladi.
Imij-(inglizcha image)-“siymo”, “qiyofa”, “tasvir”, “obraz” ma’nolarini anglatadi.
Lider-yetakchi shaxsning guruhga munosabatini ifodalab, uning a’zolariga ta’sir o’tkazuvchi va maqsadga yetaklovchiga nisbatan ishlatiladi.
Psixologik jabha-bu xodimlar tomonidan rahbarning yetakchiligi, ish-faoliyat mobaynida orttirgan obro’si, nufuzi orqasidan ularga ta’sir ko’rsata olish qobiliyatini nazarda tutadi.
Rahbar-ko’proq shaxsning u boshchilik qilayotgan jamoadagi faoliyatga aloqadorligini, uning rasmiy mavqeini bildiradi.
Rahbarlik-boshqaruvda rasman vakolatlarning shaxsga berilganligi.
Sintetik nazariya-u nazariya liderni guruhiy munosabatlarning bevosita mahsuli deb qaraydi, liderning ruyobga chiqishida guruhning birlamchi rolini ilgari suradi.
Xarizmatik nazariya-uning mohiyati shuki, hamma ham lider bula olmaydi, ayrim shaxslarda shunday sifatlar yig’indisi tug’ma mavjud bo’lib, ular uning guruhda lider bo’lishini ta’minlaydi.
Avtoritar-ijtimoiy munosabatlarni o’rnatish va tashkil etishda rahbar shaxsining faqat o’z fikri va qarashlariga suyanishi va amal qilishi.
Demokratik-ijtimoiy munosabatlarni o’rnatish va tashkil etishda rahbar shaxsining jamoa fikri va qarashlarini ham inobatga olishi.
Liberal-ijtimoiy munosabatlarni o’rnatish va tashkil etishda rahbar shaxsining befarqlik munosabatlarini namoyon etishi.
Partisipativlik (lotincha “participate” – ishtirok, sherikchilik ma’nosini bildiradi) deb atalib, unda rahbarning tashkilot maqsadiga erishish yo’lida xodimlar bilan gorizontal yo’nalishdagi munosabatlarni rivojlantirishi tushuniladi.
Rejalashtirish-bu o’ziga xos kelajakni ko’ra olish qobiliyati,kelajak obrazi bo’lib, bu narsa shaxsning qanchalik kamol topganligi va maqsadga intiliuvchanligining muxim belgisidir.