Ilk qadam
GULIM, KETAMIZ BIRGA
Nechun muncha ma’yus yig‘laysan,
Taningda kezadi yashil qon.
Alamlarga ko‘ksing tashlaysan,
Kezmoqda misli yashil alvon.
Yuragingda yillar dog‘lari,
Qara hali ketmagan izi.
Sho‘xmiding-a yoshlik chog‘lari,
Yonginangdan ketmagan isi.
O‘rtoqlaring qayerga ketdi,
Mendek sen ham turasan yolg‘iz.
Kimning so‘zi dilingga botdi,
Joning yo‘qmi turasan holsiz.
Yurgin ketaylik osmonlarga,
Oppoq bulutlarni quchamiz.
Kuning qolmasin yomonlarga,
Alamlarni birga yutamiz.
Ko‘rmasam gar ortar sog‘inchim,
Yolg‘onchining tutma qo‘lidan.
Bu dunyoda sensan ishonchim,
Yaxshining xabar ol holidan.
Sarmast bo‘ldim iforlaringga,
Barging to‘kmasin kuzning yeli.
Men aylanay kokillaringga,
Ajratolmas tongning shamoli.
45
Ilk qadam
Rayhon gulim ketamiz birga,
Kutib turar orzular shahri.
Aylanaylik tillarang nurga,
Shuncha armonmi do‘stlik qadri.
Tiling bo‘lsa, jim turma gapir,
Qara tinmay yig‘lar yuragim.
Mayli dunyoga dod sol hayqir,
Yolg‘iz o‘zing menga keragim.
BOBODEHQONIM
Dalaga chiqasiz erta bahordan,
Mehnatingiz ko‘rib ortadir mehrim.
Ko‘chat o‘tqazdingiz olma, anordan,
Hosilga baraka bobodehqonim!
Haqqoniy ishlaysiz yerga ter tukib,
Hattoki ayamay tandagi jonni.
Turasiz xayol-la dalaga boqib,
Rizqqa to‘ldirasiz ulkan xirmonni.
Daladagi qushlar mening do‘stlarim,
Ko‘maklashaylik, – deb keldik yordamga.
Tilimga kelmas dildagi so‘zlarim,
Mehnat oldida yosh keldi ko‘zimga.
Ulkan maqsad-la qarshilaysiz tongni,
Yurtim deb, xalqim deb, yashaysiz yonib.
Daladan topasiz sehrli ohangni,
Yashaysiz har nihol dardini olib.
46
Ilk qadam
Fido etdingiz butun umringizni,
Siz sabab bog‘ga aylandi sahrolar.
Bir zum o‘ylamay hatto o‘zingizni,
Sizga ta’zimdadir bugun dunyolar.
KO‘NGLIM
Unutdimi dunyo seni,
Tuproqdan ham xokisorman.
Uxlamaysan hatto tuni,
Ey, mening bechora ko‘nglim!
Kelar bevafo bahorlar,
Ko‘pdir nega buncha sotqin.
Dilimda yotar g‘uborlar,
Lek ko‘rsatmadim ko‘zyoshim.
Hammada ming bir bahona,
Kundan kun ortadi tashvish.
Yolg‘iz ikkimiz devona,
Hech bir kutmaysan nolish.
Nechun bunchalar yaxshi,
Tuyg‘ularing guldek go‘zal.
Kurtak ochsin yashash ishqi,
Axir yashaysan-ku halol.
Hayotda ko‘rdek yashama,
Ochiq bo‘lsin qalbning ko‘zi.
G‘anim dastidan yig‘lama,
Har dam qaro uning yuzi.
47
Ilk qadam
Yoshingga qo‘shilar yomg‘ir,
Yig‘lama yig‘loqi ey dil!
Bu kunlar ham o‘tar oxir,
Mening orzuyim bo‘lib kel.
Buncha o‘xshash taqdirimiz,
Birov ustidan kulmadik.
Bir armonning asirimiz,
Rost gapni yolg‘on demadik.
Kelyapti rayhon hidlari,
Bo‘yiga bo‘ylashar bo‘yim.
Xazonda qolgan xatlari,
Netay, yetmadi-da qo‘lim.
Kezaylik yulduzlar aro,
Bizlarga ochiq eshigi.
Bu kech qalblarimiz yaro.
Yangrar ezgulik qo‘shig‘i.
Ey, mening bechora ko‘nglim,
Asli dunyolar bevafo.
Lolalar eng yaqin singlim,
Bahra ol kuydan xushnavo.
Do'stlaringiz bilan baham: |