Turizmda gigiena va birinchi tibbiy yordam

Turizmda gigienaga rioya qilish

Sayrlar jarayonida o’quvchilar turistlarning shaxsiy gigienasiga qat’iy rioya qilishlari lozim. Zarur gigienik shartlarga amal qilish turistik sayrlarda muhim rol o’ynaydi. Bunga qat’iy kundalik rejim kiradi. Kun rejimi deganda kundik xayotda qattiq tartib o’rnatilishi, mehnat, dam olish, ovqatlanish vaqtining oqilona taqsimlanishi tushuniladi. Uzoq vaqt davomida kunlik rejimga amal qilish inson salomatligini mustahkamlashga yordamlashadi, tetik, hayotbaxsh kayfiyat yaratadi, uning mehnat qobiliyatini oshiradi. Kunlik rejimga amal qilinishi insonda intizom, ozodalik va tashkilotchilik kabi bebaho xislatlarni tarbiyalaydi. Turistlarning shaxsiy gigienasi ham gigienik shartlar tizimiga kiradi. Shaxsiy gigiena - bu inson salomatligini saqlashni ta’min etuvchi hamma tadbirlar majmuasidir.
Shaxsiy gigienaning asosiy talabalari quyidagilardan iborat: tananing tozaligi va uning parvarishi, ichki va ustki kiyimlar, poyafzal, yashash va ish joyining tozaligi; ish va shaxsiy buyumlarning orasta saqlanishi, o’quv muassasasida, ko’chada, turizm sayrlarida va umumiy joydagi madaniy xulqi kiradi. Iqlim sharoitiga asoslanib kiyim bosh, poyafzal, ich kiyim hamda quyoshdan, sovuqdan, yog’ingarchilikdan saqlanish uchun tegishli bosh kiyimlarni, ko’zoynakni olib yurish va o’z vaqtida ishlatish kifoya. Sayrlarning 1 kunlik yoki ko’p kunlik tashkil qilinganligiga qarab tegishli bo’lgan gigienik shartlar (kun rejimi, inventar va jihozlarning saklanishi turistlarning kiyim kechaklar) va yordam beradigan shartlar (shaxsiy gigiena) birgalikda turistik sayrlarda muhim vositalardan hisoblanadi. Umuman gigienik omillar mehnat, dam olish, ovqatlanish, tevarak-atrofdagi muhitning shaxsiy va ijtimoiy gigienasi tadbirlaridan iborat. Turistik sayrlarni tashkil qilish jarayonida gigiena qoidalari va normalariga rioya qilish majburiydir, chunki u turistik sayrlarning shaxs psixikasiga ta’sir ko’rsatish samarasini oshiradi hamda kishining sog’ligini mustaxkamlashga, jismoniy qobiliyatlarini o’stirishga imkon beradi.

3.