Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Qishloq xo‘jaligining milliy iqtisodiyotdagi

o‘rnini tavsiflovchi ko‘rsatkichlar

Ko‘rsatkichlar	2000	2005	2010	2015	2016
Qishloq xo‘jaligining YIMdagi ulushi, %	34,4	29,5	19,8	18,3	17,6
Qishloq xo‘jaligida band bo‘lganlar soni, ming kishi	3093,0	2967,0	3127,5	3184,2	3197,8
Jami bandlikda qishloq xo‘jaligining ulushi, %	34,4	30,1	29,0	27,7	27,5
Qishloq xo‘jaligi ishlab chiqarishining o‘sish sur’ati, o‘tgan yilga nisbatan	103,1	105,4	106,9	106,8	106,6
Qishloq xo‘jaligi ishlab chiqarishining o‘sish sur’ati, 2000-yilga nisbatan	100,0	136,0	181,2	251,9	268,5
Qishloq xo‘jaligining jami investitsiyalardagi ulushi, %	5,7	4,4	3,5	3,3	3,3

Barcha taraqqiy etgan mamlakatlar tajribasidan ma’lumki, mamlakatlar jadal rivojlanish bosqichiga o‘tgandan keyin sanoatlashuv jarayonlari ta’sirida qishloq xo‘jaligining iqtisodiyotdagi hissasi pasayib, uning moddiy-texnik ta’minoti, texnik-texnologik qurollanish darajasi yaxshilanib boradi. Tarmoqqa innovatsion resurslar va kuchlarning kirib kelishi tezlashadi. Natijada qishloq xo‘jaligining yalpi ichki mahsulot yaratishdagi hissasi 3 – 5 foizgacha tushib kelishi mumkin.

O‘zbekistonda o‘tgan yillarda sohaning iqtisodiyotdagi hissasi miqdoriy kamaygan bo‘lsa-da, tarmoqning ichki sifat ko‘rsatkichlari yaxshilanib bordi. Bu qishloq xo‘jaligida band bo‘lganlar sonining ortishida, ayni paytda jami bandlikda qishloq xo‘jaligining ulushi kamayganligida, qishloq xo‘jaligi mahsuloti ishlab chiqarish hajmining o‘tgan yilga va bazis yilga nisbatan oshib borishida, shu bilan birga, qishloq xo‘jaligi yer maydonining nisbatan qisqarishida o‘z ifodasini topadi. 2000  – 2016-yillarda sohada band aholi soni qariyb 105 ming kishiga ko‘paygan. Shu bilan birga, jami bandlikdagi hissasi 34,4 foizdan 27,5 foizgacha pasaygan, ya’ni 7,0 foizga kamaygan. 2016-yilda qishloq xo‘jaligi mahsulotlari ishlab chiqarish hajmi 2000-yilga nisbatan qariyb 2,7 barobar ko‘paydi. Shu yili qishloq xo‘jaligi mahsulotlari ishlab chiqarish 6,6 foizga, jumladan, dehqonchilik – 6,2 foizga, chorvachilik – 7,1 foizga o‘sdi.