Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

O‘zbekistonda xizmatlar sohasi rivojlanishini ifodalovchi ko‘rsatkichlar

	2010	2015	2016
Yalpi ichki mahsulotda xizmatlar sektorining ulushi, %	46,9	48,7	49,5
Xizmatlar hajmi, mlrd. so’m	32749,8	75356,8	92536
Xizmatlar hajmining o‘sish sur’ati, o‘tgan yilga nisbatan, %	116,1	114,0	114,5
Aholi jon boshiga ko’rsatilgan xizmatlar hajmi, ming so’m	911,7	2407,6	2905,6
Bandlikda xizmatlar sektorining ulushi, %	50,9	49,8	50,0
Asosiy kapitalga kiritilgan investitsiyalarda xizmatlar sektorining ulushi, %	62,3	54,1	57,4
Asosiy kapitalga kiritilgan chet el investitsiyalarida xizmatlar sektorining ulushi, %	75,5	25,8	24,6

Jadval ma‘lumotlaridan ko‘rinadiki, O‘zbekistonda 2016 yilda 92,5 trln. so‘mlik xizmatlar ko‘rsatilgan bo‘lib, o‘sish sur‘ati 114,5 foizni tashkil etgan. Xizmatlar sohasi ish bilan band etishda ham muhim o‘rin tutadi. Iqtisodiyotda band bo‘lganlarning yarmi ushbu sohada faoliyat ko‘rsatmoqda.

2016 yilda xizmatlar sektoriga kiritilgan investitsiyalarning umumiy hajmi jami investitsiyalarning 57,4 foizini, chet el investitsiyalarining 24,6 foizini tashkil etdi. Ko‘rinib turibdiki, xizmatlar sektori mamlakat iqtisodiy faoliyatining qariyb yarmini qamrab olgan.

2016 yilda respublikada xizmatlar sohasida 16,5 mingdan ortiq yirik tashkilotlar (bozor xizmatlarini ko‘rsatuvchi notijorat tashkilotlarini qo‘shgan holda) va 126 mingdan ortiq kichik tadbirkorlik sub‘ektlari faoliyat ko‘rsatdi.

Xizmatlar sohasida aholiga pullik xizmat ko‘rsatish alohida o‘rin tutadi. 2016-yilda aholiga pullik xizmatlar hajmi 33174,5 mlrd. so‘mni, uning o‘sish sur’ati 2015-yilga nisbatan 109,3 foizni tashkil etdi. Aholiga pulli xizmatlar ko‘rsatishning asosiy qismi rasmiy sektor tomonidan amalga oshirilib, umumiy hajmning 60,7 foizini tashkil etdi.