Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Qisqacha xulosalar
1. Aloqa va telekommunikatsiya majmuasi korxonalari iqtisodiyotning barcha sohalari, ishlab chiqarish va xo‘jalik faoliyatini tashkil etishda, davlat boshqaruvida, ichki va tashqi xavfsizlikni ta’minlashda, transport turlari faoliyatini boshqa­rishda, aholining turli-tuman ijtimoiy, madaniy va maishiy ehtiyojlarini qondirishda muhim vazifalarni bajaradi.

2. O‘zbekistonda mustaqillik yillarida aloqa va telekommunikatsiya sohasi jadal taraqqiy topdi. Sohani rivojlantirishning tashkiliy-iqtisodiy, institutsional, mulkiy va huquqiy asoslari yaratildi.

3. Aloqa va telekommunikatsiya sohasi rivojlanishini aks ettiruvchi qator ko‘rsatkichlar dinamik o‘zgarmoqda. Bu sohaning modernizatsiyalashish ko‘lami kengayayotganini, iqtisodiyot tarmoqlari va jamiyat a’zolarining ushbu vositalar bilan ta’minlanish darajasi ortayotganligini bildiradi.

4. Davlatning sohada amalga oshirgan islohotlari qisqa vaqtda o‘z samarasini bermoqda. Axborot va telekommunikatsiya sohasini rivojlantirishda davlat va xususiy sektorning roli bir-birini to‘ldiruvchi ahamiyat kasb etmoqda.

5. Axborot-kommunikatsiya sohasining taraqqiy topishi, avvalo, ta’lim va maorif sohasi rivojlanishiga kuchli ta’sir ko‘rsatmoqda. Oliy, o‘rta maxsus va kasb-hunar ta’limi hamda maktab ta’limining axborot-kutubxona bazasi kengayib bormoqda.

6. Aloqa sohasi umumiy daromadlarida uyali aloqa, shaharlararo va xalqaro telefon hamda Internet tarmog‘ining jami daromadlardagi salmog‘i oshib bormoqda.

7. 2013  – 2020-yillarda milliy axborot-kommunikatsiya tizimini rivojlantirishning kompleks dasturida raqamli televideniye, mobil aloqa bilan qamrab olish, «Elektron hukumat» va Internet tarmog‘iga katta e’tibor berilgan.