Туризм, таълим ва и қ тисодиёт тармо қ лар

 
ЭКСТРЕМАЛ - СПОРТ ТУРИЗМИНИ ТАРАҚҚИЙ ЭТТИРИШНИНГ 
ЎЗИГА ХОС ХУСУСИЯТЛАРИ 
Жўраева З.Т., 
БДУ Туризм кафедраси катта ўқитувчиси 
Ахмедов Н.И., 
Бухоро ш. 17-умумтаълим мактаби ўқитувчиси
 
 
Сўнгги вақтларда саргузашт туризми фаол ривожланмоқда. Саргузашт 
туризми –бу янги ҳиссиётлар, таассуротлар олиш, туристнинг жисмоний 
ҳолатини, спорт натижаларини яхшилашга эришиш мақсадларига эга табиатда 
фаол ҳаракатланиш ва дам олиш билан боғлиқ ҳар қандай саёҳатлар 
мажмуасидир. Саргузашт туризмининг алоҳида махсус турларидан бири- бу 
экстремал туризмдир. Кўплаб инсонлар сувости дунёсининг гўзалликларидан 
баҳраманд бўлиш, альпинизм, чанғида тоғ ёнбағирлари бўйлаб тушиш, 
парашютда сакрашга иштиёқманд ҳисобланадилар. Оддий туристлар орасида 
фаол дам олиш турлари анча оммалашмоқда. Айниқса, экстремал спорт тури 
ҳисобланувчи “
дайвинг”
ўз миллионлаб мухлисларига эга. У хатарли, 
қизиқарли ва замонавий спорт тури ҳисобланади. Дайвинг билан 
шуғулланувчиларнинг фикрича, елкасида оғир баллонлар билан 40 метрли 
чуқурликка тушишдан олинадиган адреналинни бошқа спорт турларидан олиб 
бўлмас экан. Дайвинг билан шуғулланишнинг тарқалиш тезлиги эпидемияга 
ўхшайди: бугунги кунда камида 20 млн сертификатли ҳаваскор дайверлар 
рўйхатдан ўтишган. Ўзбекистонда ҳам катта сув ресурслари камчиликни ташкил 
этсада, туристик фирмалар томонидан бундай спорт турини таклиф этиш 
мақсадга мувофиқ бўлар эди.
Парашютдан сакраш
ҳам анча оммалашди. Парашютдан сакраш қарийб 
70 йиллар олдин бошланган бўлсада, оммавий дам олиш тури сифатида 15 
йиллардан буён қўлланилиб келмоқда. Ҳозир унинг бир неча вариантлари 
қўлланилади. Жумладан, скайсёрфинг, гуруҳий акробатика каби турлари мода 
даражасига кўтарилди. Ўзбекистонда катта чўл зоналари, тоғ ёнбағирлари, очиқ 
ҳавзаларниг мавжудлги парашютдан сакраш имкониятларини яратиб беради.