Turistik zonalar bosh rejasi xorijiy kompaniyalar ishtirokida ishlab chiqilmoqda

Turistik zonalar bosh rejasi xorijiy kompaniyalar ishtirokida ishlab chiqilmoqda   14.08.2019 O’zbekiston Respublikasi Turizmni rivojlantirish davlat qo’mitasi mamlakatda turistik infratuzilmani rivojlantirish, hududlarda zamonaviy turistik maskanlarni bunyod etish va turizm sohasiga investorlarni jalb etish bo’yicha katta ishlarni amalga oshirmoqda. Xususan, ushbu yo’nalishlardagi xorijiy kompaniyalarni jalb qilgan holda xalqaro miqyosdagi zamonaviy bosh rejalar tuzish bo’yicha amaliy ishlar olib borilmoqda. Shu bilan birga, Turkiyaning shaharsozlik, arxitektura va muhandislik yo’nalishida faoliyat yurituvchi “IDEALIST” kompaniyasi bilan hamkorlikda Namangan viloyatining Nanay sayyohlik zonasi, Jizzax viloyatining Zomin tumanidagi “Suffa” masjidi, Surxondaryo viloyati Boysun tumanidagi Omonxona qishlog’i loyihalari amalga oshirildi. Taʼkidlash joizki, “IDEALIST” kompaniyasi Turkiyada 3 chang’i markazi, Kayseri tog’-chang’i kurorti, shuningdek Kipr va Moldovada boshqa sayyohlik loyihalarini amalga oshirgan. O’zbekiston Respublikasi Prezidentining 2019-yil 12-avgustdagi “O’zbekiston Respublikasida turizm sohasini yanada rivojlantirish chora-tadbirlari to’g’risida”gi Farmoniga muvofiq, respublikada bundan avval amalga oshirilgan loyihalashtirishga doir muvaffaqiyatli tajribadan kelib chiqib, xalqaro kompaniyalarni “Shovot” kichik turistik zonasi hamda Sirdaryo viloyati “Do’stlik” kanali bo’yida joylashgan kichik turistik zona bosh rejasini ishlab chiqish rejalashtirilmoqda. Hozirda Turizmni rivojlantirish davlat qo’mitasi tomonidan Sirdaryo viloyati “Do’stlik” kanalining Guliston shahri hududidan o’tadigan qismi bo’yicha loyiha, Xorazm viloyatining “Shovot” kanali loyihasi bo’yicha “IDEALIST” kompaniyasi bilan muzokaralar olib bormoqda. Xorijiy kompaniyalar ishtirokida bosh reja loyihasini tayyorlash O’zbekistonga chet el investorlarini jalb qilish imkoniyatini yanada oshirishga turtki beradi. Подробнее: https://uzbektourism.uz/uz/newnews/view?id=663