Tug’ilgan oyidan xarakterini bilish

YUZ RANGI BARCHASINI OSHKOR QILIB QO'YARKAN
Qadimgi Sharqning barcha tabiblari (Hindiston, Xitoy, O’rta Osiyo) yuzni o’qish san’atini (fiziognomika)ni puxta egallaganlar. Bu ayniqsa, xastaliklarni aniqlashda qo’l kelib, kasallik bemor yuz rangi va suyak tuzilishiga qarab aniqlanar edi. Yuz rangi har birimizda sog’liq barometri va ichki ruhiy tuyg’ular ko’zgusidir. Masalan, buyuk imperator Yuliy Sezar sarkardalar dovyurakligini yuz rangiga qarab ajratardi. Xavf paytida botir qizaradi, qo’rqoq oqaradi, deb hisoblar va hech qachon adashmas edi. Sharq tabiblari asosan yuzning pushti, qizil, rangpar, bug’doy rang va ko’kish kabi ranglarini farqlaydilar. Shuning uchun, har qanday vaziyatda, suhbat yoki uchrashuvda siz ham, eng avvalo, suhbatdoshingiz yuz rangiga etibor qaratishingiz muhim. Shunda siz muomalada ko’zlagan natijaga erishishingiz mumkin.
PUSHTI YUZ- terining pushti rangi kechirimlilik, har xil janjal va nizolardan o’zini olib qochuvchi yoki unday holatlar oldini olishga urinuvchi shaxsga xos. Bunday kishi tabiatan yuksak aql egasi bo’lib, doimo o’z bilimlarini chuqurlashtirib boradi. U muloyim va romantik. Shovqinni yoqtirmaydi, sokin, bosiq gapiradi. Asosan, bolalarning yuzi pushti rangda bo’lgani uchun ular kechirimli, kuchli xotiraga ega bo’ladilar.
QIZIL YUZ - bunday rang shaxs sog’ligida qandaydir kamchilik borligini bildiradi. Nafas yo’llari yoki qon bosimi bilan bog’liq muammolarni ko’rsatadi. Xarakteriga ko’ra, bunday kishilar faol, mustaqil fikrga ega bo’ladilar. Ularning fikriga qo’shilmagan yoki mensimagan shaxslarga nisbatan murosasiz, tajovuzkorligi bilan ham ajralib turadilar. Bunday holatda faqat yaxshi so’z, maqtov bilan ularni tinchlantirish mumkin. Xalqda bunday kishilarni o’t odam deb baholashadi, psixologlar xolerik deb ataydilar. Shu bilan birga qizg’ish-pushti rangli yuz egasi ochiq havoda ko’p bo’lishni, sayohatni, jismoniy mehnatni xush ko’radi. U tabiatan bosiq shaxs hisoblanadi.
RANGPAR YUZ - ruhiy tushkunlikka moyillikni bildiradi. Bunday shaxslar o’z muammolarini boshqalarga nisbatan 10-100 barobar og’ir deb hisoblashadi. Kamharakat bo’lish bilan birga, ular jismoniy mehnatni yoqtirmaydilar. Shuning uchun, ko’proq ijodiy faoliyatni tanlashadi, ko’p nolishadi, nutqi tez o’zgaradi, bir shoshib, bir sekin gapiradilar.Yuqorida keltirilgan ranglar ko’pincha aralash holda ko’zga tashlanib (oqish-pushti, oqish-qizil, oqish-bug’doyrang), shaxs sog’ligв va ichki tuyg’ularidan darak beradi. Har qanday suhbat paytida kishi turli emotsional holatga tushib qizaradi, oqaradi va hokazo. Shundan kelib chiqib, fiziognomika bilan tanishishni kishi yuz rangini solishtirishdan boshlang.