Tárbiya isleri metodıkası pán sıpatında. Tárbiya social tariyxiy process

Baqlaw metodı.
Baqlaw metodı - pedagogikanıń bul usılı tálim-tárbiya processlerin háreketindegi jaģdayı menen tanıstıradı, olardıń nátiyjesin biliwge járdemlesedi. Sonday-aq, pedagogikalıq izretlew ushın dáliller jańa imkaniyatlar tuwdıradı. Bul usıl quramalı usıl bolıp tabıladı. Baqlawdıń maqsetin, jobasın, máselelerin, wazıypaların bilip atırģan juwmaģın óz ishine alatuģın analiz jobası dúzilmese, bul metod jaqsı juwap bermeydi. Baqlaw jobası tómendegi sorawlarģa juwap beriwi kerek, neni baqlaw kerek, ne ushın baqlaw kerek, qashan hám qansha waqıt baqlaw kerek hám ótkerilgen baqlaw nátiyjesinde qanday juwmaq islendi.
Eger pedagog ózi jıynaģan maģlıwmatlardı usı baqlanıp atırģan oqıwshını baqlaw imkaniyatina iye basqa kásiples muģallımlerdıń maģlıwmatları menen salıstırıp qosımsha jaģdaylardı esapqa alsa baqlaw juwmaģınıń obektivligi úlken áhimeyetke iye. Baqlaw obektivligin ótkeriwde arnawlı texnikalıq qurallar kiredi. Mısalı, sabaqlardıń, klasstan tıs tárbiya jumıslarınıń, magnitafon jazıwı hám videomagnitafonģa jazıwı. Olardıń járdeminde oqıwshılardıń háreketin keyingi waqıtlarda qayta baqlawģa boladı.
Ádette tábiyiy baqlaw arqalı oqıwshılardıń pánlerdi ózlestiriwi, olardıń minez-qulıqındaģı ózgerislerdi, esapqa alıw hám tiyisli tálim tárbiyalıq tásir kórsetiw ushın jolların belgilew ushın baģdarlanadı.
Gúrriń metodı.
Gúrriń metodı- tálim tárbiya processin jaqsılaw yamasa dóretilgen ilimiy gipotezalardıń qanshelli tuwrı ekenligin analizlew maqsetinde gúrriń metodınan paydalanıladı. Ádette bul metod muģallımlerdıń hám oqıwshılar jámiyetinıń, ata-ana hám keń jámiyetshilik penen jeke yamasa topar tártibinde alıp barģanda qollanıladı. Bul metodtı qollanıwdan aldın joba dúziledi hám onı ámelge asırıw jolları belgilenedi, juwmaqları talıqlanadı hám tiyisli sheshim qabıl etiledi.
Pedagog gúrriń ótkergende.
1. Gúrriń ushın aldın ala sorawlar dúziledi.
2. Waqtın hám gúrriń ótkeriw jerin belgileydi.
3. Gúrriń qatınasıwshılarınıń sanı hám kásibinen xabardar bolıwı.
4. Gúrriń ushın qolaylı sharayat hám erkin sóylesiwge imkaniyat jaratadı.
5. Sáwbetlesińizdiń kimligin hám minez – qulıq ózgesheliklerin esapqa alıw.
6. Gúrriń nátiyjelerin tez waqıt ishinde talıqlap, salıstırıp, kerek bolsa qosımshalar kirgiziw hám mektep turmısına engiziw pedagogikalıq jaqtan júdá áhimeyetli bolıp esaplanadı.
Balalar dóretiwshiligin úyreniw metodı.
Pedagogikalıq izretlew metodları ishinde balalardıń dóretiwshiligin tábiyiy jaģdayda úyreniw hám ilimiy jumıslar shıģarıw metodı úlken rol iyeleydi. Bunda mektep oqıwshılarınıń ózlerine tán jeke tártiptegi xizmetlerine kiretuģın faktorlar analizlenedi. Bunda jaslardıń ádebiy shiģarmaları, jazģan dóretpeleri, xatları qosıq hám gúrrińleri úreniledi. Aqibetinde mektep oqıwshıları arasınan jetilisip shıģıp atırģan qábiletli, talantlı jaslardı erterek anıqlap olardıń talantınıń ósiwine qolaylı sharayatlar jaratıp beriw imkaniyati payda boladı. Balalardıń dóretiwshiligin úyreniw usılları hár túrli olar tómendegishe pán olimpiyadaları, hár túrli temalar boyınsha konkurslar, mektepler aralıq kórgizbeler, jarıslar h.b.