Transport vazirligi toshkent davlat transport universiteti

Bitiruv malakaviy ishining maqsadi. Bitiruv malakaviy ishining maqsadi sifatida korxonada xodimlarni rag’batlantirish omillaridan samarali foydalanish va shu orqali korxona boshqaruvining iqtisodiy samaradorligini oshirishga yo’naltirilgan tadbirlarni ishlab chiqishdan iborat.
Bitiruv malakaviy ishining vazifasi. Bitiruv malakaviy ishi oldiga qo’yilgan maqsaddan kelib chiqib quyidagi vazifalar belgilandi:
- xodimlarni rag’batlantirishning mazmun-mohiyatini o’rganish;
- korxona faoliyatida menejmentning motivlashtirish nazariyalari va unda rag’batlantirishning o’rni tadqiq etish;
- «Quyuv mexanika zavodi» sho’ba korxonasi boshqaruv tashkiliy tuzilmasi va xodimlarni boshqarishda rag’batlantirish jarayonlarini tahlil qilish;
- «Quyuv mexanika zavodi» sho’ba korxonasining ijtimoiy-iqtisodiy rivojlanishiga baho berish;
- menejmentda xodimlarni rag’batlantirishning rivojlangan mamlakatlar tajribasini o’rganish, xodimlarni rag’batlantirishning uslublarini umumlashtirish;
- korxonalar faoliyatida xodimlarni rag’batlantirish imkoniyatlariga baho berish va takomillashtirish bo’yicha takliflar olish va istiqbollarini belgilash.
Bitiruv malakaviy ishining ob’ekti sifatida «Quyuv mexanika zavodi» sho’ba korxonasi xo’jalik faoliyati tanlandi.
Bitiruv malakaviy ishining predmeti sifatida korxonada xodimlarni rag’batlantirish omillaridan samarali foydalanish va shu orqali korxona boshqaruvining iqtisodiy samaradorligini oshirish xususiyatlari, bunda yuzaga keluvchi muammolar va ularni hal qilish jarayonlari tanlandi.
Bitiruv malakaviy ishining yangiligi. Korxonada ma’lum davr oralig’ida yangi rag’batlantirish turlarini joriy qilish, xodimlar o’rtasidagi munosabatlarni yaxshilash va motivatsiya uyg’otish maqsadida sport musobaqalari tashkillashtirish, xodimlarning ishga bo’lgan munosabatini o’rganib, yangiliklar kiritish taklif qilindi.
Bitiruv malakaviy ishining amaliy ahamiyati. Kiritilayotgan yangiliklar korxona ishlab chiqarish samaradorligini oshirishga va korxonada ijtimoiy muhit(xodimlar orasidagi munosabat)ni yaxshilashga xizmat qiladi.