Transport energetik qurilmalari

Olingan natija bo’yicha xulosa beriladi.


Zichlikni temperatura bo’yicha tuzatish birligi
1.2-Jadval

Zichlik kg/m^3	Хaroratni tuzatish birligi	Zichlik kg/m^3	Хaroratni tuzatish birligi
700 - 709	0,897	850-859	0,699
710 - 719	0,884	860-869	0,686
720 - 729	0,870	870-879	0,673
730 - 739	0,857	880-889	0,660
740 - 749	0,844	890-899	0,647
750 - 759	0,831	900-909	0,633
760 - 769	0,813	910-919	0,620
770 - 779	0,805	920-929	0,607
780 - 789	0,792	930-939	0,594
790 - 799	0,778	940-949	0,581
800 - 809	0,765	950-959	0,567
810 - 819	0,752	960-969	0,554
820 - 829	0,738	970-979	0,541
830 - 839	0,725	980-989	0,528
840 - 849	0,712	990-999	0,515

LABORATORIYA ISHI №2
BENZINLARNING FRAKSION TARKIBINI VA OKTAN
SONINI ANIQLASH.


2.1. Laboratoriya ishini bajarishdan maqsad:
1. Benzinning bug’lanuvchanlik xossalarini aniqlash yo’llari bilan tani­shish.
2. Benzin markalari to’g’risidagi bilimni mustaxkamlash va GOST bilan tanishish.
3. Benzin sifatini baxolash va ishlatish sharoitini belgilash.


2.2. Laboratoriya ishini bajarish uchun kerakli asboblar va jixozlar:
1) Xaydash kolbasi;
2) Silindrlar va probirkalar;
3) Termometr;
4 ) Sovitish Asbobi.


2.3. Ishni bajarish bo’yicha ko’rsatmalar :
Dvigatel hosil qiladigan quvvat, uning tejamkorligi, ishonchligi va samarali ishlashi ko’p jixatdan tanlanadigan benzinning xossalariga bog’liq bo’ladi.


1. Benzinning fraksion tarkibini aniqlash.
Ishni bajarish tartibi:
1. Tekshiriladigan yonilg’idan 100 ml o’lchab olinadi va xaydash kolbasiga soli­nadi. Kolbaga yog’och po’kakli tiqinlar orqali termometr o’rnatiladi (ter-mo­metrning simobli uchi kolbaning yonboshidagi trubka to’g’risida bo’lishi kerak).
2. Kolbani isitgich plita ustiga shunday o’rnatiladiki, kolbaning tagi isitgich ustidagi asbestga xiyol tegib tursin. Kolbaning yonboshidagi trubkasi sovitgichga tiqinlar yordamida maxkamlansin.
3. O’lchov silindri sovitgich trubkasining tugash yeriga qo’yiladi, silindrni ustini paxta yoki yupqa qog’oz bilan yengil berkitib qo’yiladi.
4. Isitish shunday olib boriladiki, sovitgichdan birinchi tomchi qiz-dirish bosh­la­nganidan 5-10 minut orasida tushishi kerak. Birinchi tomchining tushgan xarorati xaydashning boshlanish xarorati deb qabul qilinadi.
5. Birinchi tomchi tushgandan so’ng, isitishni shunday olib boriladiki 1 sekund ichida 2 tomchi tushib turishi kerak. O’lchash oson bo’lishi uchun sovitkich trubkasi silindr devoriga tegib turishi lozim.
6. Har 10 ml. yonilg’i xaydalganda temperatura yozib boriladi. Хaydash tezligi bir xilda bo’lishi uchun borgan sari isitishni biroz ko’paytirib boriladi.
7. Silindrda 90ml. yonilg’i yig’ilgandan so’ng 3-5 minut orasida xaydash tugallanishi kerak.

1.3-rasm. Yonilg’ilarni fraksion tarkibini aniqlaydigan qurilma.
1-xaydash kolbasi; 2-termometr;, 3-sovitish asbobi

8. Хaydashni tugallanish xarorati deb, xaroratni maksimumga ko’tarilib so’ng pasayish payti olinadi. Shundan so’ng isitish to’xtatiladi va umumiy xaydalgan yonilg’i miqdori o’lchanadi.

9. Хaydash tugallangandan keyin bir oz vaqt o’tgach kolba sovugandan so’ng asbob yig’ishtiriladi, yonilg’ining kolbada qolgan qismi kichikroq o’lchash asbobida o’lchanadi va koldiq sifatida yozib qo’yiladi.
10. Yonilg’ining xaydalgan qismi va qoldiq miqdori birgalikda umumiy xajmi (100 ml.) dan ayirib tashlansa yonilg’ining xaydash vaqtida yo’qolgan qismi topiladi. Mana shu yo’qolgan qismi benzin tarkibida yengil bug’lanuvchi fraksiyasiga bog’liq.