T/r
|
Mavzu(muammo)ni o’rganish pog’onalari
|
Mavzu(muammo)ni yechish yo’llari yoki usullari
|
1
|
O’rganilayotgan mavzuning nomi
|
Sug`urta kompaniyasi “Asia insurance”
|
2
|
Ushbu mavzuning holati hozirgi kunda qanday?
|
Qonun talablari asosida vazirlik tomonidan olib borilayotgan ishlar, ko'rilayotgan choralarga qaramasdan, bu sohada yechimini kutayotgan masalalar hali ko'p. Jumladan, sug'urta kompaniyasining hozirgi holati amalga oshirilayotgan islohotlar talabiga mos kelmay, aholi va tadbirkorlarning mazkur xizmatga bo'lgan ehtiyojlari qondirilmasdan qolmoqda.
|
3
|
Mavzuning hozirgi holati bo’yicha qanday muammolar mavjud?
|
Vazirlik huzuridagi sug'urta nazorati inspeksiyasi xodimlari soni chegaralangan bo'lib, ular asosan statistik ma'lumotlarni yuritishmoqda xolos; Sug'urta faoliyati haqidagi ma'lumotlar hududlarga yetarli darajada yetkazilmayotgani oqibatida aholining hammasida ham sug'urtaga bo'lgan ishonch va u haqda tushuncha to'liq shakllanmagan; mutaxassislar tomonidan sug'urtalash jarayonida mijozlarning haq-huquqlari to'liq va to'g'ri tushuntirilmayapti; Sug'urtalash jarayonida ish yuritish tizimining aksariyat hollarda davlat tilida olib borilmasligi ham sug'urta shartnomalarini tuzish va uning ijrosini ta'minlashda muammolarni keltirib chiqarmoqda; sug'urta hodisasi sodir bo'lganda to'lovlarni to'liq amalga oshirmaslik holatlari qayta sug'urtalash imkoniyatlariga to'sqinlik qilish bilan birga, sug'urta tizimiga bo'lgan ishonchning pasayishiga olib kelmoqda; majburiy sug'urtalashning alohida turlari hukumat qarorlari asosida joriy etilgan bo'lib, qonun bilan tartibga solinmagan; mamlakat sug'urta bozoriga yirik xalqaro sug'urta va qayta sug'urtalovchi kompaniyalarning jalb qilinmayotgani, shuningdek, xalqaro sug'urta nazoratchilari uyushmasining hamda moliyaviy hisobot va buxgalteriya hisobining xalqaro norma, standartlari va tamoyillari to'liq joriy etilmayotgani mahalliy sug'urta kompaniyasiga xalqaro reyting baholarini olishda to'siq bo'lmoqda;
|
4
|
Mavjud muammolarni yechish yo’llari?
|
Sug'urta bozorini tartibga solish tizimini institusional mustahkamlash, sug'urta bozori barqarorligi va ishonchliligini ta'minlash, soha uchun kadrlarni tayyorlash, qayta tayyorlash va malakasini oshirish, vakolatli organ maqomi, mas'uliyati va imkoniyatlarini kuchaytirish, sug'urtalash jarayoniga zamonaviy axborot texnologiyalarini joriy qilish, sug'urta polislarini elektron shaklda ro'yxatdan o'tkazish, raqamli texnologiyalar asosida onlayn sug'urta turlarini rivojlantirish.
|
5
|
Muammoni yechish yo’llari bo’yicha barcha takliflarni jamlang,yozib oling va ularni muhokama qiling
|
Mazkur bozorning investitsion jozibadorligini oshirish maqsadida sug'urta kompaniyasini moliyaviy hisobot va buxgalteriya hisobining xalqaro standartlariga bosqichma-bosqich o'tkazilishini ta'minlash, bunda KPMG, PwC, Deloitte va boshqa yetakchi auditorlik kompaniyalarining auditorlik xulosalari, nufuzli xalqaro reyting agentliklarining reyting baholarini olishga erishish, korporativ boshqaruv, sug'urta tavakkalchiliklarini baholash va qaltisliklarni boshqarish tizimini doimo takomillashtirish, mijozlar, ya'ni iste'molchilarga sug'urta mahsulotlari va xizmatlarining narxlari to'g'risida to'liq, erkin, sifatli va taqqoslama ma'lumotlarni taqdim etib borish. Mintaqaviy sug‘urta xizmatlari bozorida mavjud bo‘lgan sug‘urta xizmat turlarining assortimenti va shakllarini kengaytirish.
|
6
|
Muammoni yechish yo’liga oid bitta usulni tanlang
|
Odatda, sug‘urta kompaniyalar uchun jismoniy shaxslardan ko‘ra korporativ mijozlar bilan ishlash manfaatliroqdir. Birinchidan, bunda ko‘lamdan tejaladi: mijozlarni jalb qilish va ularga xizmat ko‘rsatishning o‘rtacha xarajatlari qisqaradi. Ikkinchidan, bunda ommaviylik ta’minlanadi va bu sug‘urta biznesining daromad keltiruvchanligining asosiy omillaridan biri hisoblanadi. Uchinchidan, o‘z-o‘zini mustaqil ravishda sug‘urtalovchi jismoniy shaxslardan farqli ravishda kompaniyalarning xodimlari sug‘urta summasini faol sarflashga unchalik intilmaydilar. Gap shundaki, korporativ sug‘urtalashda xodim uchun sug‘urta mukofotini korxona to‘laydi, jismoniy shaxs esa uni o‘zi to‘laydi, shuning uchun ham sarflagan pullari evaziga maksimal foyda olishga, ya’ni sug‘urta summasining hammasini sarflashga intiladi.
|
7
|
Tanlangan bitta usulni baholang,uning samaradorligini isbotlang
|
Sug‘urta bozorida sug‘urtalovchilarning moliyaviy barqarorlik darajasini yanada mustahkamlash maqsadida sug‘urta kompaniyalari tomonidani ko‘rsatiladigan hayot sug‘urta tarmog‘ini kengaytirish maqsadga muvofiqdir. Bu o‘z navbatida sug‘urtalovchining uzoq muddatli investitsiya faoliyatini amalga oshirish imkoniyatini belgilaydi.
|
